राज्य निवडणूक आयोगाने पत्रकार परिषद घेत स्थानिक स्वराज्य संस्थांच्या निवडणुकीसंदर्भात माहिती दिली. तसेच दुबार मतदार दुबार मतदारांचा प्रश्न सोडवण्यासाठी एक टूल तयार केले आहे. त्यानुसार, ज्या मतदारांची दुबार नावे आहेत, त्या ठिकाणी दोन स्टार्स असतील, अश
.
अनिल परब म्हणाले, आम्ही राज्य निवडणूक आयोगाकडे मतदार यादी स्वच्छ करून देण्याची मागणी केली आहे. स्वच्छ करून देणे म्हणजे ज्या मतदार यादीत घोळ आहे, ज्या मतदार यादीत दुबार मत आहेत, ज्या मतदार यादीत पत्ते चुकीचे आहेत, हे जे काही घोळ आहेत, म्हणजे आपण बघत आहोत की वडिलांचे नाव वेगळे आहे, एका घरात 40-50 मतदार नोंदवले गेले आहेत, अशी जी नावे आहेत, ही सगळी नावे गाळून आम्हाला मतदार यादी हवी आहे.
पुढे बोलताना अनिल परब म्हणाले, ते म्हणतात की दुबार मतदारांच्या नावावर स्टार करणार. स्टार करणार म्हणजे काय, त्या माणसाला विचारणार, आता ही माणसे यांना सापडणार कशी? याची प्रोसेस काय हे कोणालाही माहित नाही. कशा पद्धतीने याला रोखणार, याचे काहीच उत्तर नाही. त्यामुळे निवडणूक आयोगाने काम पुढे रेटण्याचे काम केले आहे. या निवडणूक आयोगाचे जे मालक आहेत, भारतीय जनता पक्ष हे त्यांचा अजेंडा ठरल्याप्रमाणे राबवतील. हे फक्त लोकांच्या डोळ्याला पाणी लावण्याचे काम करत आहेत, की आम्ही अशी कारवाई करू, ते करू. मुळात कोणतीही कारवाई ते करणार नाही.
तसेच आता पुढील निर्णय काय करायचे हे महाविकास आघाडीचे नेते ठरवतील. आमचा निवडणुकीला विरोध नाही, आम्हाला फक्त मतदार याद्या दुरुस्त करून देण्यात यावी, एवढीच मागणी केली आहे. परंतु, निवडणूक आयोग ही यादी देण्यास कदाचित तयार नसल्याचे अनिल परब यांनी म्हटले आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
