उद्धव ठाकरे गटाचे खासदार संजय राऊत यांच्या टीकेला भाजपचे माध्यम प्रमुख नवनाथ बन यांनी प्रत्युत्तर दिलं आहे. उपराष्ट्रपती निवडणुकीत संजय राऊत हे सतत डंका वाजवत होते की “एनडीए आणि यूपीए मध्ये फक्त 40 मतांचा फरक आहे.” कालपर्यंत हीच त्यांची भाषा होती. पण
.
यातली सगळ्यात मोठी गंमत म्हणजे तुमच्याच खासदारांनी तुमच्यावर विश्वास ठेवला नाही. क्रॉस वोटिंग करून त्यांनी एनडीएला मत दिलं. महाराष्ट्रातून एनडीएला सर्वाधिक साथ मिळाली, हे महाराष्ट्राच्या राजकारणाचं सत्य आहे. उपराष्ट्रपती निवडणुकीत एनडीएचा शर्ट ओढता-ओढता राऊतांचा लंगोट सुटला आहे. लंगोट सुटूनही आमची इज्जत शाबूत आहे असा केविलवाणा दावा संजय राऊत करत आहेत. पण देशाने पाहिलंय की, तुम्हाला तुमचे खासदार टिकवता आले नाहीत, आणि राहुल गांधींचं नेतृत्व उपराष्ट्रपती निवडणुकीत शून्य ठरले असल्याचे बन यांनी म्हटले आहे.
देवेंद्र फडणवीसांवर केलेल्या टीकेला प्रत्युत्तर
संजय राऊत देवेंद्रजींवर टीका करताना विसरतात की 2019 मध्ये त्यांनी पाठीवर खंजीर खुपसूनही देवेंद्र फडणवीस पुन्हा उभे राहिले. विधानपरिषद, राज्यसभा आणि आता उपराष्ट्रपती निवडणूक, या सगळ्या निवडणुकांमध्ये महाराष्ट्राने देवेंद्रजींचं नेतृत्व अनुभवलेलं आहे. त्यांची जादुई कांडी, त्यांचा करिष्मा, आणि त्यांची धोरणात्मक अचूकता पुन्हा पुन्हा दिसून आली. संजय राऊतांनी लक्षात ठेवावं. तुम्ही राज्यसभेला गेलात ते फक्त अर्ध्या मतांच्या आधारावर पुढील तीन वर्षांत तुम्हाला पुन्हा राज्यसभा मिळणार नाही, हेही सत्य आहे. कारण तुमच्यासाठी आता एकमेव दरवाजा म्हणजे राहुल गांधींचा दरवाजा. त्यामुळे देवेंद्रजींवर बोलताना दहा वेळा विचार करा . कारण देवेंद्रजींचं नेतृत्व महाराष्ट्राला स्वीकार्य आहे, पण तुमची भाषा आणि वर्तन महाराष्ट्राला कधीही मान्य होणार नसल्याचे नवनाथ बन यांनी म्हटले आहे.
नेपाळसारखी स्थिती निर्माण होईल म्हणणाऱ्यांना खडे बोल
देशात नेपाळसारखी अराजकता होईल असं संजय राऊत म्हणतात. हा कोणता राजकीय शहाणपणा आहे? माझा त्यांना थेट सवाल आहे. तुम्ही खंडोजी खोपड्याचे वारसदार आहात का? जसं खोपडे स्वराज्यात द्रोह करून गेला, तसंच महाराष्ट्रद्रोह आणि देशद्रोहाचं बीज तुम्ही रोवताय का? हा देश स्वामी विवेकानंदांचा, महात्मा गांधींचा, आणि आज सक्षम नेतृत्व करणाऱ्या नरेंद्र मोदीजींचा आहे. येथे कधीही अराजकता माजणार नाही. खरं तर, जे तुमच्या मनात आहे तेच तुमच्या ओठावर आलं. देशाला नेपाळसारख्या अस्थिरतेत ढकलण्याची तुमची सुप्त इच्छा आहे का? महाराष्ट्र आणि भारत इतके सक्षम आहेत की, तुमचे हे कपटी डाव कधीच यशस्वी होणार नाहीत. उलट तुम्ही पेटवलेल्या आगीत तुमचं तोंड भाजल्याशिवाय राहणार नाही, असेही ते म्हणाले.
या देशात आता Gen Z नाही, तर Gen M आहे – M for Modi!
2014, 2019 आणि 2024 मध्ये सर्वाधिक मतदान मोदीजींना तरुणाईने केलंय. हीच तरुणाई म्हणजे भारताचं भविष्य, आणि ती ठामपणे मोदींसोबत उभी आहे. राऊतांसारखं आगडोंब माजवण्याचं राजकारण तरुणाईला रुचत नाही. त्यांना विकास हवा आहे, स्थैर्य हवं आहे, आणि मोदींचं सक्षम नेतृत्व हवं आहे. म्हणून कितीही बडबड केली तरीही या देशात किंवा महाराष्ट्रात अराजकता माजवण्याचा प्रयत्न कधीही यशस्वी होणार नसल्याचे नवनाथ बन यांनी म्हटले आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
