राज्यातील नगर परिषद आणि नगर पंचायतींच्या निवडणुकीचा प्रचार आता अंतिम टप्प्यात पोहोचला आहे. या संपूर्ण प्रचार मोहिमेत भाजप आणि मुख्यमंत्री एकनाथ शिंदे यांच्या नेतृत्वाखालील शिवसेना या दोन्ही पक्षांमध्ये मोठी कटुता आणि संघर्ष पाहायला मिळाला. महायुतीतील
.
गेल्या काही दिवसांपासून महायुतीचे दोन्ही प्रमुख घटक एकमेकांना लक्ष्य करण्याची स्पर्धाच जणू सुरू झाली होती. कोण मोठा?, कोणाचा तळागाळात प्रभाव? यावरून वाद तीव्र झाला. प्रचारसभांमध्ये कठोर शब्द, टोले, आरोप यामुळे महायुतीची एकी कागदावरच असल्याचे चित्र तयार झाले. मतदारांमध्येही जर हेच साथीदार, तर विरोधक काय असतील? अशा चर्चा सुरू झाल्या. महापालिका निवडणुका जवळ आल्याने ही प्रतिमा महायुतीसाठी धोकादायक आहे. म्हणूनच राष्ट्रीय स्तरावरून आता पुरे, अशी भूमिका घेत मध्यस्थी करण्याचा निर्णय घेण्यात आला आहे. केंद्रीय पातळीवरून काही महत्त्वाचे नेते मुंबईकडे लक्ष देत असून, दोन्ही बाजूंना समज देण्यासाठी संपर्क सुरू केला आहे.
अनेकदा असा अनुभव आला आहे की, स्थानिक निवडणुकांमध्ये सत्ताधारी पक्षांचे कार्यकर्तेच एकमेकांशी अधिक राडा करतात. या निवडणुकीतही तेच चित्र दिसले. कार्यकर्त्यांची गुंतवणूक, गटबाजी, तिकीटाचे राजकारण, यामुळे महायुतीपेक्षा एकमेकांवर त्यांनीच हल्ला चढवला. एका बाजूला भाजपचे नेते कार्यकर्त्यांची नाराजी कमी करण्याचा प्रयत्न करत होते, तर दुसरीकडे शिवसेना शिंदे गटालाही आपलं अस्तित्व दाखवण्याची घाई होती. यामुळे दोन्ही बाजूंनी स्वतःलाच राजकीय नुकसान होण्याची भीती निर्माण झाली. राजकीय विश्लेषकांचे म्हणणे आहे की, सत्ताधारी असताना घरातील भांडणं लपवली पाहिजेत. उघड झाली, तर विरोधकांनाच फायदा होतो. हेच आता महायुतीत घडत असल्याचं स्पष्ट दिसत आहे.
अगदी शेवटच्या क्षणी, मध्यस्थीची आठवण
दरम्यान काही दिवसांपूर्वी उपमुख्यमंत्री आणि शिवसेना पक्षप्रमुख एकनाथ शिंदे यांनी केंद्रीय गृहमंत्री अमित शहा यांची भेट घेतली होती. तेव्हा देखील चर्चा झाली होती की, दिल्लीतील नेतृत्व या वादाचा तोडगा काढेल. परंतु त्या भेटीत विशेष मध्यस्थी न झाल्यामुळे दोन्ही बाजू पुन्हा मैदानात उतरल्या आणि संघर्ष आणखी तीव्र झाला. आता मात्र प्रचार संपण्याच्या आधीच्या रात्रीच, म्हणजे अगदी शेवटच्या क्षणी, मध्यस्थीची आठवण काढण्यात येत आहे. त्यामुळे अशा प्रश्नांची चर्चा चहाच्या टपऱ्यांपासून सोशल मीडियापर्यंत जोरात आहे.
वाद जशास तसे राहिले, तर विरोधकांना निश्चितच संधी
दिल्लीतील नेते हा प्रश्न कसा सोडवतात, हे महापालिका निवडणुकीचे गणित बदलणारे ठरणार आहे. सध्या मुंबई, ठाणे, पुणे, नाशिक, नागपूर या महत्त्वाच्या महानगरपालिकांकडे संपूर्ण राज्याचे लक्ष लागले आहे. महापालिका म्हणजे मोठ्या निधीचे, शहरी विकासाचे केंद्र. त्यामुळे महायुतीला या निवडणुकांत एकत्र राहूनच लढणे गरजेचे आहे. जर अंतर्गत वाद जशास तसे राहिले, तर विरोधकांना निश्चितच संधी मिळू शकते. त्यामुळे आता मध्यस्थीचे प्रयत्न कितपत यशस्वी होतात आणि दोन्ही पक्षांची मनं एकत्र आणली जातात का? हेच आगामी राजकारणात निर्णायक ठरेल.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
