गिरीश महाजन हे केवळ आमदार-खासदार फोडण्यापुरते आणि त्यांना पैसे देण्यापुरतेच संकटमोचक आहेत. शेतकऱ्यांना पैसा देण्याची वेळ आली की भाजपचा प्रत्येक नेता हा पाठ दाखवून पळून जातात. गरीबांना पैसा देण्याची वेळ आली की हे संकटमोचक नाही तर दरोडेखोर असतात, असे म
.
ठाकरे गटाचे खासदार संजय राऊत म्हणाले की, सरकारचा मराठवाड्यातील पाहणी दौरा हा केवळ एक फार्स आहे. गेले कधी? शेतकऱ्यांच्या कुटुंबीयांच्या आक्रोश ऐकत पाहणी कधी केली. हा 36 लाख शेतकऱ्यांचा प्रश्न आहे. एका शेतकऱ्यांवर 10 जण अवलंबून आहेत हे मानलं तर 36 लाख शेतकरी उद्ध्वस्त झाला आहे, मराठवाड्यात. 70 ते 72 लाख एकर जमिनीचे मोठे नुकसान झाले आहे त्यावर शेती करण्या योग्य शेती राहिली नाही. मुख्यमंत्री दोन्ही उपमुख्यमंत्री यांनी पाहणी दौऱ्यामध्ये काय पाहिले, काय मदत केली, काय समजून घेतले. पाण्याच्या बाटलीवर फोटो लावणे म्हणजे मदत नाही. ती केवळ प्रसिद्धी आहे. आपण राज्याचे मुख्यमंत्री उपमुख्यमंत्री आहात हे करण्याची आपल्याला गरज नाही तुम्ही सरकार म्हणून मोठ्या प्रमाणात मदत केली पाहिजे. तर बाकीची मदत गुप्त असावी. तुम्ही काय अशा परिस्थितीची वाट पाहत बसता का? केंद्र सरकारने पाहणीसाठी पथक पाठवले का? हे शासन मुर्दाड आणि असंवेदनशील आहे.
सरकारच्या दरोडेखोरी मुळे ही वेळ
संजय राऊत म्हणाले की, पैशांचे सोंग आणता येत नाही ना मग सरकार चालवू नका. महाराष्ट्रावर ही वेळ कोणी आणली आहे. तुम्ही लाडक्या बहिणींचा उल्लेख वारंवार करु नका, त्यांचे संसार आज वाहून गेले आहेत. पैशांचे सोंग आणता येत नाही हे बोलायची वेळ सरकारवर यांच्या दरोडेखोरी मुळे आली आहे. सरकारवर जवळपास 10 लाख कोटी रुपयांचे कर्ज आहे. यांना कुणी कर्ज द्यायला तयार नाही. 65 हजार कोटी व्याज भरतात हे लोकं. मराठवाड्याच्या जनतेवर आलेले जे संकट आहे त्यातून कसा मार्ग काढणार आहे. केंद्र सरकार काहीच मदत करायला तयार नाही, शेतकऱ्यांनी जगायचे कसे, असा सवाल अजित पवार यांच्या पैशांचे सोंग आणता येत नाही या विधानानंतर राऊत यांनी केला आहे.
म्हणून विरोधी पक्षनेता ठेवला नाही
संजय राऊत म्हणाले की, उद्धव ठाकरे आज लातूर ते संभाजीनगर दौरा करणार आहेत. त्यातून आम्ही समजून घेणार आहोत की सरकारला कसे धारेवर धरता येईल, कसा आवाज उठवता येईल. प्रश्न विचारेल म्हणून या लोकांनी विरोधी पक्षनेता ठेवला नाही. सरकारची पोलखोल होऊ नये, अधिकाऱ्यांना प्रश्न विचारले जाऊ नये म्हणून राज्यातील दोन्ही सभागृहामध्ये विरोधी पक्षनेता नाही. या सरकारकडून शेतकऱ्यांनी काय अपेक्षा ठेवायची असा सवाल राऊत यांनी केला आहे.
..अन् शेतकऱ्यांसाठी पैसा नाही
संजय राऊत म्हणाले की, तुम्ही बकवास लोकं आहात. प्रत्येक गोष्टीमध्ये राजकारण करत आहात. तुम्ही काय करत आहात हा प्रश्न सरकारला विचारला पाहिजे. भाजपचे लोक काही उपकार करत नाहीत. एसआरए प्रकरणात खिशे याचे तपासले पैसे पडतील. तुम्ही निवडणुकीवर खर्च करत आहात शेतकऱ्यांसाठी पैसा नाही. संकटमोचक अफवा आहे. आमदार खासदारांना पैसे देण्यासाठी संकटमोचक असतात. गरीबांना द्यायचे झाले की हे दरोडेखोर बनतात. लडाख लेह हा भारताच्या सीमेचा भाग आहे. आणि तुम्ही सीमा शांत ठेवू शकत नसणार तर कसले विश्वगुरू, असा चिमटा त्यांनी काढला. चीन लदाख मध्ये घुसले आहे. तुम्ही भारताच्या सीमेवरच राज्य शांत ठेवू शकत नाही, अशी टीका त्यांनी केली.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
