सर्वोच्च न्यायालयाचे वरिष्ठ अधिवक्ता ॲड. विष्णू शंकर जैन यांनी हिंदूंना आपल्या अधिकारांसाठी जागृत राहण्याचे आवाहन केले आहे. अनेक राज्यांमध्ये प्रलोभने दाखवून होणारे धर्मपरिवर्तन हे हिंदूंसाठी मोठे संकट असल्याचे ते म्हणाले. केंद्रासह विविध राज्यांमध्य
.
शिवप्रतापगड उत्सव समिती, पुणे यांच्या वतीने शिवप्रताप दिनानिमित्त विविध पुरस्कार वितरण सोहळा शुक्रवार पेठेतील नातूबाग मैदान येथे आयोजित करण्यात आला होता. या कार्यक्रमाला लेफ्टनंट जनरल सतीश नवाथे, ह.भ.प. संग्रामबापू भंडारे, पावन सराफ, स्वाती मोहोळ, समितीचे अध्यक्ष संजय भोसले, प्रमुख संयोजक मिलिंद एकबोटे आणि नंदकिशोर एकबोटे यांच्यासह अनेक मान्यवर उपस्थित होते.
या सोहळ्यात सर्वोच्च न्यायालयाचे वरिष्ठ अधिवक्ता ॲड. विष्णू शंकर जैन यांना ‘हिंदवी स्वराज्य भूषण जीवा महाले पुरस्कार’ प्रदान करण्यात आला. ‘शिवभूषण गोपीनाथ पंत बोकील पुरस्कार’ ॲड. विश्वास पानसे यांना, तर ‘हिंदुत्व शौर्य पुरस्कार’ समीर कुलकर्णी यांना देण्यात आला. प्राज भिलारे आणि गोकुळ आठरे यांचाही यावेळी विशेष सन्मान करण्यात आला. ॲड. जैन यांना शिवशाहीचे प्रतीक असलेले सोन्याचे कडे देऊन गौरवण्यात आले.
ॲड. विष्णू शंकर जैन यांनी यावेळी बोलताना सांगितले की, २० वर्षांपूर्वी पुण्यात शिक्षण घेत असताना समाजवादाची दाट छाया होती, पण आज क्रांती झाल्याचा आनंद आहे. त्यांनी एकजुटीचे महत्त्व अधोरेखित केले. एकजूट नसल्यास मालेगावसारख्या प्रकरणांमध्ये निर्दोष असूनही लोकांवर अत्याचार होण्याच्या घटना पुन्हा घडतील, अशी भीती त्यांनी व्यक्त केली. न्यायालयांमध्ये हिंदुनिष्ठ लोक असले तरी त्यांच्यावर अन्याय होत असल्याने सर्वांनी एकत्र येण्याची गरज असल्याचे ते म्हणाले.
ह.भ.प. संग्रामबापू भंडारे यांनी आपल्या भाषणात सांगितले की, धर्म आणि भगवंतावर प्रेम असणे आवश्यक आहे. आपला संकल्प सत्य असल्यास परमेश्वरी शक्ती पाठीशी उभी राहते. छत्रपती शिवाजी महाराजांच्या पाठीशी अशीच शक्ती उभी राहिली, ज्यामुळे शिवप्रताप दिनाचा पराक्रम सर्वांनी अनुभवला, असे ते म्हणाले.
प्रमुख संयोजक मिलिंद एकबोटे यांनी शिवप्रताप दिनाचे महत्त्व सांगितले. अफजल खानाच्या स्वारीमुळे हिंदवी स्वराज्याला धोका निर्माण झाला होता. छत्रपती शिवाजी महाराजांनी अफजल खानाचा पराभव करून हिंदू धर्माचे संरक्षण केले आणि आदिलशाहीची परकीय सत्ता निष्प्रभ केली. त्यामुळे शिवप्रताप दिन हा भारताच्या इतिहासाला कलाटणी देणारा दिवस ठरला, असे ते म्हणाले. १९९६ पासून साजरा केला जाणारा हा दिवस राष्ट्रभक्तीची प्रेरणा देतो. आज हिंदुत्ववादी पक्ष मुस्लिम तुष्टीकरण करत हिंदू समाजाकडे दुर्लक्ष करत असल्याची टीकाही त्यांनी केली.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
