महाराष्ट्र राज्यातील विविध विद्यापीठांच्या सहभागाने नांदेड येथे होत असलेल्या २७ व्या क्रीडा महोत्सव स्पर्धेसाठी सावित्रीबाई फुले पुणे विद्यापीठाचा खेळाडूंचा ताफा आज रवाना झाला. या स्पर्धेत एकूण आठ खेळांचा समावेश असून व्हॉलीबॉल, बास्केटबॉल, टेबल टेनिस
.
खेळाडूंचे मार्गदर्शन व शुभेच्छा देण्यासाठी सावित्रीबाई फुले पुणे विद्यापीठाचे प्र-कुलगुरू डॉ. पराग काळकर हे खाशाबा जाधव क्रीडा संकुलात उपस्थित होते. त्यांनी खेळाडूंशी संवाद साधत स्पर्धेसाठी शुभेच्छा दिल्या.
यावेळी डॉ. काळकर म्हणाले की, “विद्यापीठातील आधुनिक क्रीडा सुविधा वापरत खेळाडूंनी राष्ट्रीय तसेच ऑलिंपिक पातळीवर पोहोचण्याचे ध्येय ठेवावे. खेळ हा केवळ करमणुकीचा भाग नसून व्यावसायिक करिअरची एक उत्तम संधी आहे. सावित्रीबाई फुले पुणे विद्यापीठाच्या क्रीडा मंडळामार्फत उत्कृष्ट ऑलिंपिकपटूंना घडवण्याचा प्रयत्न सातत्याने सुरू आहे.तसेच प्रवासादरम्यान खेळाडूंनी स्वतःची काळजी घेणे स्पर्धेच्या ठिकाणी वातावरणाशी जुळवून घेऊन चांगली स्पर्धा किंवा सामना खेळणे याविषयी मार्गदर्शन केले.
या कार्यक्रमाचे संचालन करताना सावित्रीबाई फुले पुणे विद्यापीठाचे क्रीडा संचालक डॉ. सुदाम शेळके यांनी स्पर्धेविषयी आवश्यक सूचना दिल्या. तसेच प्र-कुलगुरू डॉ. काळकर, कुलगुरू डॉ. सुरेश गोसावी व विद्यापीठातील सर्व व्यवस्थापन परिषद सदस्य सिनेट मेंबर्स तसेच विविध महाविद्यालयातून आलेले शारीरिक शिक्षण संचालक जे या स्पर्धेसाठी संघ व्यवस्थापक आणि मार्गदर्शक म्हणून काम करणार आहेत अशा सर्व मान्यवरांचे आभार व्यक्त करून कार्यक्रमाची सांगता करण्यात आली.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
