बुलढाण्याचे शिवसेना आमदार संजय गायकवाड यांनी स्थानिक स्वराज्य संस्थांच्या निवडणुकीतील खर्चाबाबत केलेल्या एका वक्तव्यामुळे राजकीय वर्तुळात नवा वाद निर्माण झाला आहे. काल एका सभेत बोलताना त्यांनी निवडणुकीत उभं राहण्यासाठी दोन ते तीन कोटी रुपये आणि कधीकध
.
बुलढाण्याचे शिवसेना आमदार संजय गायकवाड यांनी स्थानिक स्वराज्य संस्थांच्या निवडणुकीतील खर्चाबाबत बोलताना शरद पवारांच्या राष्ट्रवादी काँग्रेसवर निशाणा साधला. त्यांनी बुलढाणा तालुक्यात राष्ट्रवादीच्या दोन उमेदवारांनी निवडणुकीसाठी मोठ्या प्रमाणात खर्च केल्याचे सांगितले. याशिवाय, गेल्या विधानसभा निवडणुकीत आपल्या विरोधात लढलेल्या ठाकरे गटाच्या जयश्री शेळके यांनी 70 कोटी रुपये खर्च केल्याचा आरोपही गायकवाड यांनी नाव न घेता केला.
नेमके काय म्हणाले होते?
संजय गायकवाड म्हणाले की, लहान कार्यकर्त्यांना स्थानिक स्वराज्य संस्थांच्या निवडणुकीतला खर्च झेपणार नाही. त्यामुळे युती झाली पाहिजे. आता जिल्हा परिषद, पंचायत समिती आणि नगरपालिका निवडणुका सोप्या राहिल्या नाहीत. एक-एक, दोन-दोन, तीन-तीन कोटी रुपये खर्च होतो आणि काही ठिकाणी शंभर बोकडं एका व्यक्तीकडून दिली जातात. इतक्या खर्चाने निवडणुकीत कार्यकर्ता उद्ध्वस्त होतो असंही संजय गायकवाड म्हणाले.
विजय वडेट्टीवारांची गायकवाड यांच्यावर टीका
गायकवाड यांच्या या वक्तव्याचा काँग्रेस नेते विजय वडेट्टीवार यांनी चांगलाच समाचार घेतला. ज्याला जशी सवय, तशी वक्तव्ये. त्यांना खोके आणि बोक्यांची सवय लागलेली आहे, असा टोला वडेट्टीवार यांनी लगावला. संजय गायकवाड सत्य बोलतात आणि सत्य करतात. तीन कोटी रुपये आणि शंभर बोकडे… किती बोकडं पोसून ठेवली आहेत आणि किती कोटी जमा केले आहेत? किती कोटी देणार आणि किती बोकडे देणार, यावर लक्ष ठेवण्यासाठी आम्हाला निवडणूक आयोगाला पत्र लिहावे लागेल.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
