अमरावती येथील संत गाडगेबाबा अमरावती विद्यापीठाने आचार्य (पीएचडी) पदवीकरिता प्रवेशित शैक्षणिक सत्र २०२३-२४ एम.फील.धारक आणि कोर्स वर्क परीक्षा – २०२५ उत्तीर्ण संशोधनकर्त्यांचे नोंदणी अर्ज स्विकारण्याला मुदतवाढ देण्याची मागणी सिनेट सदस्यांनी केली आहे. उ
.
सूत्रांच्या माहितीनुसार विद्यापीठ प्रशासन याबाबत सकारात्मक असून किमान ५ ऑक्टोबरपर्यंत मुदतवाढ दिली जाण्याची शक्यता आहे. विद्यापीठाच्या परीक्षा व मुल्य मापन मंडळाने ८ सप्टेंबर रोजी यासंदर्भातील अधिसूचना जारी केली. त्यानुसार आचार्य पदवी (पीएचडी) कोर्स वर्क परीक्षा उन्हाळी-२०२५ उत्तीर्ण झालेल्या संशोधनकर्त्याला आचार्य पदवी नोंदणी आवेदन पत्रे व शोध प्रबंध संशोधन केंद्र प्रमुखाकडे २५ सप्टेंबरपर्यंत आणि विद्यापीठामध्ये सादर करण्याची मुदत ३० सप्टेंबर दिली आहे.
काही तांत्रीक अडचणी व उत्सवांची धामधूम असल्याने उपरोक्त मुदतीत अनेक संशोधनकर्त्यांना आचार्य पदवी नोंदणी आवेदन पत्रे व शोध प्रबंध रूपरेषा विहीत मुदतीत विद्यापीठात सादर करणे अवघड होणार आहे. त्यांची ही अडचण दूर करणे आवश्यक असून सदर मुदत १० ऑक्टोबरपर्यंत वाढवून देण्याची मागणी सिनेट सदस्य अ‍ॅड. अमोल ठाकरे, सुनील तिपट्ट, गिरीश शेरेकर, अमित देशमुख यांनी प्र-कुलगुरूंना दिलेल्या निवेदनातून केली आहे. सदर विभागाचे प्रमुख असलेल्या प्र-कुलगुरु डॉ. ढोरे यांनी त्यासाठी सकारात्क प्रतिसाद दिला असून मुदत निश्चित वाढवून देण्याची ग्वाही दिली आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
