भारतीय संगीत प्रसारक मंडळाचे गांधर्व महाविद्यालय, पुणे आणि गांधर्व महाविद्यालय नॉर्थ अमेरिका यांच्या संयुक्त विद्यमाने आयोजित ‘परंपरा’ संगीत महोत्सवात प्रा. प्रकाश भोंडे आणि प्रसिद्ध शास्त्रीय गायिका विदुषी शैला दातार यांना ‘पंडित विनायकराव पटवर्धन स
.
इन्कमटॅक्सचे प्रिंसिपल कमिशनर अभिनय कुंभार यांच्या हस्ते हा सन्मान करण्यात आला. गांधर्व महाविद्यालय, पुणे येथे या कार्यक्रमाचे आयोजन करण्यात आले होते.
गांधर्व महाविद्यालयाचे प्राचार्य पंडित प्रमोद मराठे, उपप्राचार्या परिणिता मराठे आणि लेखापाल मृदुला दाबके-जोशी यांची यावेळी प्रमुख उपस्थिती होती. मानपत्र, शाल, श्रीफळ आणि २१ हजार रुपये असे या पुरस्काराचे स्वरूप होते. यावेळी बोलताना स्वरानंद प्रतिष्ठानचे कार्यकारी विश्वस्त प्रा. प्रकाश भोंडे यांनी सांगितले की, शास्त्रीय संगीताच्या संस्थेने सुगम संगीताच्या क्षेत्रात कार्यरत असणाऱ्या व्यक्तीच्या कार्याचा सन्मान करणे कौतुकास्पद आहे. पुणे हे पुरस्कारांचे घर असले तरी, कोणत्या संस्थेने, कोणत्या व्यक्तीचा किंवा संस्थेचा सन्मान केला, याला महत्त्व आहे. त्यांनी हा पुरस्कार त्यांच्या संस्थेचे विश्वस्त, सहकारी, कुटुंबिय आणि रसिकांचा गौरव मानला.
विदुषी शैला दातार यांनी गांधर्व महाविद्यालयाशी संबंधित आठवणींना उजाळा दिला. पंडित विनायकबुवा पटवर्धन यांच्यासारख्या ऋषितुल्य व्यक्तीमत्त्वाच्या नावाने मिळालेला पुरस्कार ही त्यांच्यासाठी आनंदाची बाब असून, यामागे त्यांच्या आई-वडिलांची मोठी पुण्याई असल्याचे त्यांनी नमूद केले. अभिनय कुंभार यांनी गांधर्व महाविद्यालय, पुणे यांच्या कार्याचे कौतुक केले. ते म्हणाले की, संगीत, कला, साहित्य आणि नृत्याला वाहिलेल्या या संस्थेचे कार्य मोठे असून, त्यांच्यामार्फत भारतीय कला परंपरेचे जतन, संवर्धन व प्रचार होत आहे. भारतीय संस्कृतीचे शतकानुशतकाचे संचित संस्थेच्या माध्यमातून प्रवाहित करणे हे महान कार्य आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
