- Marathi News
- National
- Changes In Ujjwala Yojana, Beneficiaries Will Get Only 4 Subsidized Gas Cylinders Per Year, Central Government’s Argument, Poor Families Use Only This Many Gas Cylinders Per Year
नवी दिल्ली8 मिनिटांपूर्वी
- कॉपी लिंक
केंद्र सरकारने आपल्या महत्त्वाकांक्षी ‘प्रधानमंत्री उज्ज्वला योजना’ (पीएमयूवाय) च्या लाभार्थ्यांना मिळणाऱ्या अनुदानित स्वयंपाकाच्या गॅस सिलिंडरच्या संख्येत मोठी कपात केली आहे. आता योजनेअंतर्गत गरीब कुटुंबांना वर्षभरात केवळ ४ अनुदानित सिलिंडरच मिळू शकतील. सरकारने हा निर्णय सामान्य कुटुंबांच्या सरासरी वार्षिक वापराला आधार मानून घेतला आहे.
उल्लेखनीय म्हणजे, मे २०१६ मध्ये ही योजना सुरू झाली होती, तेव्हा लाभार्थ्यांना वर्षाला १२ अनुदानित सिलिंडर मिळत असत. गेल्या वर्षी हा कोटा घटवून ९ केला होता. आता तो फक्त ४ केला आहे. दरम्यान, आंतरराष्ट्रीय बाजारात सुरू असलेल्या संकटामुळे भारतात एका एलपीजी सिलिंडरची मूळ पुरवठा किंमत १,६०० रुपयांहून अधिक झाली आहे. सरकार उज्ज्वला लाभार्थ्यांना प्रति सिलिंडर सुमारे १,००० रुपयांची एकूण मदत (अनुदान + तोटा सहन करणे) देत आहे.
सरकारचा दावा: सरासरी ४ सिलिंडरचाच आहे वापर
पेट्रोलियम आणि नैसर्गिक वायू मंत्रालयाने तर्क दिला की, ‘कोट्यातील हा बदल उज्ज्वला लाभार्थ्यांचा वास्तविक सरासरी वार्षिक वापर पाहून करण्यात आला आहे. सरासरी एक गरीब कुटुंब वर्षाला ४ सिलिंडरच वापरू शकते.’ उल्लेखनीय आहे की, उज्ज्वला योजनेअंतर्गत आज देशात १० कोटींहून अधिक कुटुंबांना गॅस कनेक्शन मिळालेले आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
