digital products downloads

RSS चा शताब्दी दसरा उत्सव: नागपूरच्या संचलनात 21 हजार स्वयंसेवक सहभागी होणार; शंकर महादेवन यांचा कार्यक्रम रंगणार – Nagpur News

RSS चा शताब्दी दसरा उत्सव:  नागपूरच्या संचलनात 21 हजार स्वयंसेवक सहभागी होणार; शंकर महादेवन यांचा कार्यक्रम रंगणार – Nagpur News


यंदा राष्ट्रीय स्वयंसेवक संघाचा दसरा उत्सव मोठ्या उत्साहात साजरा होणार आहे. या कार्यक्रमात तब्बल 21 हजार स्वयंसेवक सहभागी होणार असून, शंकर महादेवन यांच्या गीताचा एक कार्यक्रमही होणार आहे, अशी माहिती राष्ट्रीय स्वयंसेवक संघाचे अखिल भारतीय प्रचार प्रमु

.

संघाचा हा शताब्दी दसरा उत्सव आहे. त्यामुळे तो इतर उत्सवापेक्षा तीन पट मोठा असेल. संघाविरुद्ध सुरू असलेल्या फेक नॅरेटीव्हला गृहभेटींतून उत्तर दिले जाईल, निर्धारही आंबेकर यांनी बोलून दाखवला. तसेच यावर्षी घाना, थायलंड, इंडाेनेशिया, दक्षिण आफ्रिका, अमेरिका आदी देशातून प्रतिनिधी उपस्थित राहणार असल्याचेही त्यांनी सांगितले.

स्वयंस्फुर्तीने सहभाग

सुनील आंबेकर म्हणाले की, समाजातील प्रत्येक घटकासह संपूर्ण समाजाला आपल्या देशाविषयी गर्व आणि अभिमान वाटत आहे. देशाची प्रगती आणि संपन्नतेसाठी संघाने चालवलेले कार्य आणि उपक्रमात अनेक संस्था, संघटना आणि व्यक्ती स्वयंस्फुर्तीने सहभागी होत आहेत. हीच संघ शताब्दीची मोठी उपलब्धी आहे.

उत्सव तीनपट भव्य

आंबेकर म्हणाले की, संघ शताब्दी वर्षात प्रत्येक गोष्ट किमान तीन पट मोठी आणि भव्य दिव्य राहणार आहे. एरव्ही दसरा उत्सवात साधारणत: 7 हजार स्वयंसेवक गणवेशात असतात. शताब्दी दसरा उत्सवात किमान 21 हजार स्वयंसेवक पूर्ण गणवेशात राहावे असा प्रयत्न आहे. त्यासाठी संपर्क आणि संवादातून प्रयत्न केले जात असल्याचे आंबेकर यांनी सांगितले.

परदेशी प्रतिनिधी येणार

यावर्षी शहरातून तीन पथसंचलने निघतील. त्याचे एकत्रीकरण व्हरायटी चौकात होणार असून सरसंघचालक मोहन भागवत त्याचे अवलोकन करणार आहे. तसेच यावर्षी घाना, थायलंड, इंडाेनेशिया, दक्षिण आफ्रिका, अमेरिका आदी देशातून प्रतिनिधी उपस्थित राहणार असल्याचे आंबेकर यांनी सांगितले. दसरा उत्सव नागपूर, मणिपूरसह संपूर्ण देशात साजरा होणार आहे. शहरातील वस्ती तसेच आठ ते दहा गावांचे एक मंडळ तयार करून दसरा उत्सव साजरा होणार आहे. याच प्रमाणे हिंदू संमेलनेही घेण्यात येईल.

फेक नॅरेटीव्हला उत्तर

संघाविषयी फेक नॅरेटीव्हद्वारे अनेक गैरसमज पसरवले जातात. शताब्दी वर्षात गृहभेटींद्वारे संपर्कातून संवाद साधला जाणार आहे. यात संघाविषयी जनमानसात असलेले गैरसमज दूर करण्यात येईल. संघाविषयी पसरवण्यात येत असलेल्या फेक नॅरेटीव्हला गृहभेटींतून उत्तर दिले जाईल. या शिवाय संघ विचारांच्या समर्थकांनीही हे काम करावे. त्यासाठी वेगळी यंत्रणा उभारण्याची गरज नाही, असे आंबेकर यांनी सांगितले.

महादेवनच्या संघ गीतांचा कार्यक्रम

प्रसिद्ध गायक आणि संगीतकार पद्मश्री शंकर महादेवन राष्ट्रीय स्वयंसेवक संघाची गाणी नवीन सूर आणि लयीत गायली आहेत. संघाच्या शताब्दी वर्षपूर्तीनिमित्त स्वयंसेवकांना त्यांच्याकडून ही एक अनोखी भेट असेल. महादेवन यांनी गायलेल्या संघ गीतांचा कार्यक्रम येत्या रविवार २८ रोजी नागपुरात आयोजित करण्यात आल्याची माहिती आंबेकर यांनी दिली. संघ शताब्दी निमित्त प्रत्येक जण आपापल्या परीने योगदान देत आहे. शंकर महादेवन हे गायक असल्याने त्यांनी संघ गीते गायल्याचे त्यांंनी सांगितले.

Doonited Affiliated: Syndicate News Hunt

This report has been published as part of an auto-generated syndicated wire feed. Except for the headline, the content has not been modified or edited by Doonited.

Source link

Related posts

Leave a Reply

Your email address will not be published. Required fields are marked *

Uttarakhand News Doonited
Social media & sharing icons powered by UltimatelySocial
Instagram
WhatsApp