राज्य सरकारने मेगा भरतीचे आश्वासन दिल्यानंतर सार्वजनिक आरोग्य विभागात 3500 जागांसाठी भरती प्रक्रिया सुरू झाली आहे. मात्र, या जाहिरातींमध्ये एनटी प्रवर्गासाठी (A, B, C, D) एकही जागा आरक्षित नसल्याने नवीन वाद निर्माण झाला आहे. याबाबत राष्ट्रवादी काँग्र
.
सार्वजनिक आरोग्य विभागाच्या वतीने दिनांक 4 नोव्हेंबर, 2025 रोजी समुदाय आरोग्य अधिकारी (कंत्राटी) 1 हजार 974 जागा व वैद्यकीय अधिकारी (गट – अ) 1 हजार 440 जागांसाठी जाहिरात प्रसिद्ध करण्यात आली असून, यातील समूदाय आरोग्य अधिकारी पदाच्या जाहिरातीत एन टी – डी प्रवर्गासाठी एकही जागा आरक्षित करण्यात आलेली नाही. तर दुसऱ्या वैद्यकीय अधिकारी भरतीच्या जाहिरातीत एन टी प्रवर्गातील अ,ब,क,ड या चारही प्रवर्गांसाठी एकही जागा आरक्षित करण्यात आलेली नाही. या दोन्हीही जाहिराती स्थगित करून सर्वसमावेशक पद्धतीने सदर जाहिराती नव्याने प्रसिद्ध करण्यात याव्यात, अशी विनंती धनंजय मुंडे यांनी केली आहे.
धनंजय मुंडे यांनी पत्रात काय म्हटले?
राज्य शासनाने राष्ट्रीय आरोग्य अभियान अंतर्गत दि. 4 नोव्हेंबर, 2025 रोजी समूदाय आरोग्य अधिकारी (कंत्राटी) या पदाच्या सुमारे 1974 पदांच्या भरतीसाठी जाहिरात प्रसिद्ध केली असून, या जाहिराती मध्ये एन टी डी प्रवर्गासाठी एकही जागा आरक्षित नसल्याची गंभीर बाब समोर आली आहे. त्याचबरोबर सार्वजनिक आरोग्य विभागाच्या वतीने प्रसिद्ध करण्यात आलेल्या जाहिरात क्र. 01/2025, दि. 4 नोव्हेंबर, 2025 यान्वये एकूण 1440 वैद्यकीय अधिकाऱ्यांची भरती करण्यात येत असून या जाहिराती मध्ये एन टी प्रवर्गातील अ, ब, क, ड या चारही प्रवर्गासाठी एकही जागा आरक्षित करण्यात आलेली नाही.
राज्यभरात या प्रवर्गातील लाखो विद्यार्थी असून ते या पदांसाठी प्रयत्न करत आहेत. या पदासाठी इच्छुक असलेल्या एन टी प्रवर्गातील अनेक उमेदवारांनी दूरध्वनी व्दारे तसेच विविध माध्यमातून माझ्याकडे तक्रार केली असून, या दोन्ही जाहिरातीच्या माध्यमातून एन टी प्रवर्गासाठी सुमारे 3500 जागांमध्ये एकही जागा आरक्षित नसले वावत संताप व दुःख व्यक्त केले आहे.
दरम्यान या दोन्ही जाहिरातीच्या माध्यमातून एन टी प्रवर्गासाठी जागा आरक्षित नसणे हे गंभीर व अन्यायकारक असून, तातडीने या जाहिरातीस स्थगिती देऊन, आरक्षित पदांची फेरतपासणी करून सुधारित जाहिरात प्रसिद्ध करणे गरजेचे आहे. तरी, आपणास विनंती की कोणत्याही प्रवर्गावर अन्याय होणार नाही यासाठी या दोन्हीही जाहिरातीस स्थगिती देऊन नव्याने जाहिराती प्रसिद्ध करण्यात यावी, ही विनंती, असे धनंजय मुंडे यांनी आरोग्य मंत्री प्रकाश आबिटकर यांना लिहिलेल्या पत्रात म्हटले आहे.
पुढील निर्णयाकडे लक्ष
दरम्यान, या प्रकरणात आरोग्य विभाग आणि राष्ट्रीय आरोग्य अभियान प्रशासनाकडून अद्याप अधिकृत प्रतिक्रिया आलेली नाही. मात्र, धनंजय मुंडेंच्या पत्रानंतर एनटी प्रवर्गातील उमेदवारांमध्ये आशेची भावना निर्माण झाली आहे. आरोग्य मंत्री प्रकाश आबिटकर यांचा पुढील निर्णय आता महत्त्वाचा ठरणार आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
