कफसिरपमुळे एमपी, राजस्थानमध्ये २९ बालकांचा मृत्यू झाल्यानंतर राज्याच्या एफडीएने औषध विक्रेत्यांना डाॅक्टर्सच्या प्रिस्क्रिप्शनशिवाय खाेकल्याचे औषध देऊ नये असे आदेश काढले आहेत. याच्या पडताळणीसाठी ‘दिव्य मराठी’ने शनिवारी (दि. ११) शहरातील विविध भागांतील
.
काेणत्याही प्रकारची विचारपूस न करता कफ सिरपची मागणी केल्यावर शहरातील जुने नाशिक, गंगापूरराेड, सिडकाे परिसरातील पाच औषध विक्रेत्यांसह काॅर्पाेरेट ब्रॅण्ड असलेल्या २४ तास सेवा देणाऱ्या औषध विकेत्याने देखील हे कफसिरप उपलब्ध करून दिले. दरम्यान अशाेकस्तंभ, गाेळे काॅलनी परिसरातील औषधविक्रेत्यांनी मात्र डाॅक्टरांच्या चिठ्ठीशिवाय कफ सिरप देण्यास नकार दिला.
दुकानांमधील संवाद
प्रतिनिधी :अडीच वर्षांचा मुलाला सर्दी, खाेकल्याचा त्रास हाेत आहे. त्यासाठी औषध द्या. विक्रेता : लहान मुलाला गाेळ्या देता येणार नाही, कफ सिरपच द्यावे लागेल, प्रतिनिधी : द्या, सर्दी-खाेकला कमी झाला पाहिजे. दुकानदार : हे घ्या सिरप २.५ एम एल द्या (काेणत्याही डाॅक्टरांच्या चिठ्ठीशिवाय औषध देण्यात आले)
थेट प्रश्न सुरेश देशमुख, सहआयुक्त, एफडीए
विनाप्रिस्क्रिप्शन कफ सिरपची विक्री सुरूच आहे.ही गंभीर बाब आहे. एफडीएकडून गेल्या दाेन दिवसापंासून शहरात औषध विक्रेत्यांची तपासणी सुरू आहे. त्यात १० हून अधिक विक्रेत्यांना कारणे दाखवा नाेटिसा बजाविण्यात आल्या आहेत. ‘दिव्य मराठी’ प्रतिनिधीने खरेदी केलेल्या दुकानांना देखील नाेटीस बजावू.
मेडिकलचालकांना काय आदेश दिलेत?
डाॅक्टरांच्या चिठ्ठीशिवाय कुठलेही कफ सिरप देऊ नयेत असे शासनाचे परिपत्रक साेशल मीडियातून आणि प्रत्यक्षातही दिले आहे.
कारवाई काय करणार? संबंधित विक्रेत्यांचे परवाने निलंबित, प्रसंगी रद्ददेखील केले जातील.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
