Mumbai Accident News Today: मुंबईत सोमवारी एक भयंकर अपघात झाला आहे. ट्रकखाली चिरडून एका तरुणीचा जागीच मृत्यू झाला असून ओव्हरटेक करण्याच्या प्रयत्नात हा अपघात झाल्याची प्राथमिक माहिती आहे. या प्रखरणी पोलिसांनी ट्रक चालकाला अटक केली असून या घटनेचा व्हिडिओ व्हायरल झाला आहे.
सोमवारी दुपारी दक्षिण मुंबईतील व्हीपी रोडवर एका दुचाकीने ट्रकला ओव्हरटेक करण्याचा प्रयत्न केला. पण दुचाकीवरील नियंत्रण सुटल्याने चालकाने अचानक ब्रेक लावला त्यामुळं दुचाकी घसरली अन् ट्रकच्या चाकाखाली आली. त्यानंतर दोन्ही तरुणी खाली पडल्या. दुचाकीवर मागे बसलेली तरुणी ट्रकच्या चाकाखाली चिरडली गेली. तिला जेजे रुग्णालयात दाखल करण्यात आले. मात्र तिचा आधीच मृत्यू झाला होता. डॉक्टरांनी तिला मृत घोषित केले. अपघाताचा हा थरार सीसीटिव्ही कॅमेऱ्यात कैद झाला आहे. मयत मुलीचे नाव सिया मेहता असे असून ती 18 वर्षांची आहे.
मिळालेल्या माहितीनुसार, सिया तिची मैत्रिण दिनिका बाफनासोबत सीपीटँक सर्कलवरुन कुंभार वाड्यावर जात होती. दिनिका त्यावेळी स्कुटर चालवत होती. दिनिकाकडे ड्रायव्हिंग लायसन्स नसल्याचेही उघड झाले आहे. रस्तावर रहदारी नसल्यामुळं जी वेगाने गाडी चालवत होती. डाव्या बाजूने येणाऱ्या ट्रकल ओव्हरटेक करण्याचा प्रयत्न केला. मात्र दिनिकाने अचानक ब्रेक लावल्याने स्कुटर घसरली आणि दोघीही खाली कोसळल्या. ट्रकचे मागचे चाक डोक्यावरुन गेल्याने सिया गंभीर जखमी झाली होती. त्यातच तिचा घटनास्थळीच मृत्यू झाला होता.
अपघातानंतर ट्रक चालक घटनास्थळावरुन पळून गेला होता. मात्र पोलिसांनी शोध घेत त्याला अटक केली आहे. त्याच्याविरोधात भारतीय न्याय संहिता आणि मोटार वाहन कायद्याच्या संबंधित कलामांखाली गुन्हा दाखल करण्यात आला आहे. या घटनेमुळं परिसरात एकच खळबळ उडाली आहे. तर, तरुणीच्या मृत्यूमुळं कुटुंबीयांवर दुखःचा डोंगर कोसळला आहे.
पोलिसांच्या माहितीनुसार, दिनिका नुकतीच 18 वर्षांची झाली होती आणि वैध ड्रायव्हिंग लायसन्सशिवाय ती दुचाकी चालवत होती. रस्त्यावर कमी रहदारी असल्याने ती वेगाने गाडी चालवत असल्याचे तिने पोलिसांना सांगितले. जखमी मुलीला कोणतीही मदत किंवा वैद्यकीय मदत न देता घटनास्थळावरून पळून गेलेल्या ट्रक चालक सुभाष नवलकिशन सिंगवरही गुन्हा दाखल करण्यात आला आहे. नंतर पोलिसांनी त्याचा शोध घेतला असून त्याला अटक केली आहे. मोटार वाहन कायद्याच्या कलम 3 आणि134 (अ)(ब) सोबत भारतीय न्याय संहिता (बीएनएस) च्या कलम 106(1), 289 आणि 125(1) अंतर्गत या घटनेची नोंद करण्यात आली आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
