मेरठमधून बेपत्ता झालेल्या दोन बहिणींना पोलिसांनी मुंबईतून शोधून काढले आहे. पोलिसांनी 3 दिवस दोन्ही बहिणींचे लोकेशन ट्रेस केले. मुंबईतील एका हॉटेलमध्ये त्या दोघी सापडल्या. पोलिस त्यांना मेरठला परत घेऊन आले आहेत. चौकशीत बहिणींनी सांगितले की, त्या कोरियन सिंगिंग शोचे ऑडिशन देण्यासाठी मुंबईला गेल्या होत्या. शोचे पहिले ऑडिशन आधीच क्लियर झाले होते. दुसरे ऑडिशन मुंबईत होते. ऑडिशन देण्यासाठीच दोन्ही बहिणी न सांगता मुंबईला गेल्या होत्या. आईने 10 मार्च रोजी दोन्ही मुली बेपत्ता झाल्याची एफआयआर दाखल केली. पोलिस शोध घेत-घेत मुंबईत पोहोचले. आईचे म्हणणे आहे की, मुलींना 10 भाषांमध्ये गाणे येते. त्यांना कोरियन सिंगर बनायचे आहे. न सांगता घरातून गायब झाल्या होत्या. 3 दिवसांनंतर 14 मार्च रोजी पोलिस त्या दोघींना घेऊन परत आले. हे प्रकरण मेडिकल पोलिस स्टेशन हद्दीतील शास्त्रीनगरचे आहे. सर्वात आधी पोलिसांचे संपूर्ण सर्च ऑपरेशन वाचा… दोन्ही मुलींना 10 भाषांमध्ये गाणे येते दोन्ही बहिणींनी त्यांच्या निवेदनात सांगितले की त्या 10 भाषांमध्ये गाणे गाऊ शकतात. गायिका बनण्यासाठी त्या स्वतःच्या पंच कारने मुंबईला आल्या होत्या. त्यांना कार चालवता येत नव्हती, म्हणून त्यांनी एका ॲपवरून 8 हजार रुपयांना ड्रायव्हर बुक केला. मुलींच्या वडिलांचा एका वर्षापूर्वी आजाराने मृत्यू झाला आहे. घरात एक भाऊ आहे, जो शिक्षण घेत आहे. आई आयुर्वेदिक औषधांचे काम करते. आई म्हणाली- मेरठ पोलिसांचे आभार दोन्ही मुलींच्या आईने दैनिक भास्करशी कॅमेऱ्यासमोर बोलणे टाळले, पण तिने संपूर्ण घटना सांगितली. घटनेनंतर त्या आधीच खूप घाबरलेल्या आणि अस्वस्थ होत्या. महिला म्हणाली- दोन्ही मुली सुखरूप परत आल्या आहेत, यासाठी मेरठ पोलिसांचे खूप आभार. मुली न सांगता गेल्या, पण त्यांनी काहीही चुकीचे केले नाही मुलींच्या आईने सांगितले की- मला समाधान आहे की माझ्या मुली परत आल्या, त्यांच्यासोबत काही वाईट घडले असते तर मला माहित नाही मी काय केले असते? माझ्या मुली मला न सांगता घरातून गेल्या, याचे मला दुःख आहे. त्या त्यांच्या मनातील गोष्टी माझ्यासोबत शेअर करू शकल्या नाहीत, त्यामुळे मी चिंतेत आहे, पण माझ्या मुलींनी काहीही चुकीचे काम केले नाही. त्या त्यांचे भविष्य घडवण्यासाठी घरातून गेल्या होत्या. त्यांनी संपूर्ण खर्च त्यांच्या बचतीतून केला. गायिका बनण्यास नकार दिला, म्हणून त्या गुपचूप ऑडिशन देण्यासाठी गेल्या महिलेने सांगितले- माझ्या मुलींना गायिका व्हायचे आहे. आज माझे पती जिवंत असते तर माझ्या मुलींचे स्वप्न नक्कीच पूर्ण झाले असते, पण एक वर्षापूर्वी पतीच्या निधनानंतर आमचं सर्वकाही उद्ध्वस्त झालं. तीन मुलांची जबाबदारी मी एकटीच सांभाळत आहे. आजूबाजूचे लोक आणि नातेवाईक म्हणू लागले की, गाणे सोडून द्या, दुसरे काहीतरी काम करा. वारंवार गाणे सोडण्यासाठी दबाव टाकू लागले. मुली यामुळे त्रस्त झाल्या होत्या. महिलेने सांगितले- दोन्ही मुलींनी कोणत्याही क्लासमध्ये जाऊन नाही, तर ऑनलाइन यूट्यूबवरूनच इतरांना ऐकून गाणे शिकले आहे. या दोन्ही बहिणी 10 भाषांमध्ये गाणी गातात. कोरियन, फ्रेंच, चायनीज, अरेबियन आणि इतरही अनेक भाषांमध्ये त्यांनी स्वतःच गाणे शिकले आहे. आम्हाला तर समजतही नाही. त्यांनी स्वतःच एका सिंगिंग टॅलेंट शोचे ऑडिशन भरले. पहिले ऑडिशन दोघींनी घरी बसूनच क्लियर केले. याच शोच्या दुसऱ्या ऑडिशनसाठी दोघींना मुंबईतून कॉल आला होता. त्यांनी सांगितले- मुलींनी भीतीने मलाही ऑडिशनबद्दल सांगितले नाही. त्यांना वाटले की मला सांगितले तर मी त्यांना गाण्यापासून थांबवेन. त्यामुळे त्या गुपचूप आपली बचत केलेली रक्कम आणि पहिल्या फेरीतील जिंकलेली रक्कम घेऊन मुंबईला गेल्या, पण ज्या दिवशी त्यांचे ऑडिशन होते, त्याच दिवशी पोलीस तिथे पोहोचले आणि मुलींना घेऊन आले. साउथ कोरियन बीटीएस ग्रुपसोबत गाण्याची त्यांची इच्छा आहे महिला म्हणते की लोक रील्समध्ये वेळ वाया घालवतात, पण माझी मुले पुढे जाण्यासाठी इंटरनेट वापरतात. मुलगा तंत्रज्ञानाशी संबंधित गोष्टी शोधतो. मुलींना दक्षिण कोरियाच्या बीटीएस (BTS) या सिंगिंग ग्रुपच्या लीड सिंगर व्ही (V) सोबत काम करायचे आहे. दोन्ही मुलींना दक्षिण कोरियाला जायचे आहे. यासाठी त्यांना 35 लाख रुपयांची गरज आहे. महिलाने सांगितले की, सिंगिंग कॉन्सर्टमध्ये 50 लाख रुपये आणि कारचे बक्षीस होते. ही घटना 10 मार्चच्या दुपारची आहे. महिला आपल्या मुलाला परीक्षा देण्यासाठी शाळेत घेऊन गेली होती. घरात दोन्ही मुली एकट्याच होत्या. आई घरातून बाहेर पडताच दोन्ही बहिणींनी ड्रायव्हरला बोलावले आणि बॉय रोड कारने मुंबईसाठी निघून गेल्या. आई घरी परतल्यावर मुलींना न पाहून घाबरली. तिने तात्काळ पोलिसांना माहिती दिली. यानंतर पोलिसांनी मुलींचा शोध सुरू केला.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
