पूर्ण अवदान जातक कथेमध्ये दाखवण्यात आलेली शिडीची बोट
.
पंतप्रधान नरेंद्र मोदी यांनी २९ मे रोजी मुंबईतील गोरेगाव येथील नेस्को एक्झिबिशन सेंटरमध्ये आयोजित इंडिया मेरीटाईम वीक 2025 मधील मेरीटाईम लीडर्स परिषदेत भाषण केले. या भाषणात त्यांनी अजिंठा लेणी क्रमांक दोनमधील भित्तीचित्रात दाखवलेल्या शिडीच्या बोटीचा उल्लेख केला. या उल्लेखामुळे हजारो वर्षांपूर्वीच्या चित्राची पुन्हा देशभरात चर्चा सुरू झाली आहे. अजिंठा लेणी जगभरात रॉक कट आर्किटेक्चर आणि भित्तीचित्रांसाठी प्रसिद्ध आहे. येथे वेगवेगळ्या विषयांवर आधारित जातक कथांची चित्रे आहेत. या चित्रांमध्ये होडी आणि बोटी यांचेही उल्लेख आहेत. लेणी क्रमांक एकमधील ‘महाजनक जातक’ कथेत राजा महाजनक होडीत बसलेला दाखवला आहे. लेणी क्रमांक 17 मध्ये ‘सिंहमाला अवधना जातक’ कथेतही होडीचे चित्र आहे. विशेष म्हणजे, लेणी क्रमांक दोनमधील ‘पूर्ण अवदान’ जातक कथेत शिडीची बोट दाखवण्यात आली आहे. पंतप्रधान मोदी यांनी भाषणात याच बोटीचा उल्लेख केला. या भित्तीचित्रांमधून त्या काळातील लाकडी होडी व बोटी कशा प्रकारे बनवल्या जात होत्या, हे स्पष्ट दिसते. २१ मे २०२५ रोजी इंडियन नेव्हीने नेव्ही बेस कॅम्प कारवल येथे लेणी क्रमांक दोनमधील होडीची प्रतिकृती प्राचीन पद्धतीने तयार केली. बांधणी आयआयटी मद्रासच्या तांत्रिक सहकार्याने झाली. या कार्यक्रमाला राज्यपाल आचार्य देवव्रत, मुख्यमंत्री देवेंद्र फडणवीस, उपमुख्यमंत्री एकनाथ शिंदे, अजित पवार, केंद्रीय बंदरे मंत्री सर्वानंद सोनोवाल, केंद्रीय राज्यमंत्री शंतनू ठाकूर, कीर्तीवर्धन सिंह आदी उपस्थित होते.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
