बाळापूर तालुक्यातील कुपटा गावाजवळ वाडेगावकडून बाळापूरकडे जाणाऱ्या चारचाकी वाहनाला अज्ञात वाहनाने कट मारल्याने वाहन रस्त्यावरील पुलावरून कठडे तोडून पुलाखाली कोसळले. या अपघातात तिघांचा मृत्यू झाला. तर एकजण गंभीर जखमी झाला. हा अपघात रविवारी रात्री अकरा
.
मिळालेल्या माहितीनुसार, वाडेगाववरून (एम. एस. ३०, ए. झेड. ७५५७) क्रमांकाची चारचाकी वाहन कठडे तोडून पलटी खात पुलावरून खाली कोसळले. या वाहनांमध्ये असलेले प्रवासी कन्हैयासिंग ठाकूर (वय ५४),विशाल भानुदास सोलनकर, वय ४५) व वाहनाचा चालक सुनील शर्मा (वय ४५, तिघे रा. बाळापूर) यांचा मृत्यू झाल्याची माहिती पोलिसांनी दिली. तर जखमींमध्ये मृतकन्हैयसिंग ठाकूर यांचा मुलगा आशिष कन्हैयासिंग ठाकूर गंभीर जखमी झाला असून, त्याला उपचारासाठी अकोला येथे पाठवण्यात आले. या वेळी मांडवा कुपटा येथील गावातील युवकांनी गाडीमध्ये असलेल्या प्रवाशी यांना वाचवण्यासाठी प्रयत्न केले . या वेळी पोलिस हेड कॉन्स्टेबल पहुरकर, सचिन कानडे, हेड कॉन्स्टेबल प्रशांत डोईफोडे, पोलिस कॉन्स्टेबल अविनाश आडे, रामेश्वर देवपूजे, संदीप पेड, चालक पोलिस कॉन्स्टेबल सिद्धेश्वर कोळझाडे आदींनी घटनास्थळी जाऊन पंचनाम करून जखमींना बाळापूर येथील आरोग्य केंद्रात हलवले. पुढील तपास पोलिस करत आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
