कळमनुरी तालुक्यात अतिवृष्टीमुळे झालेल्या नुकसानीमुळे शेतकरी व नागरीकांवर आर्थिक संकट ओढवले असून या परिस्थितीत विद्यार्थ्यांच्या शुल्कामध्ये १० टक्के कपातीचा निर्णय केंब्रीज स्कुल ऑफ स्कॉलर्स शाळेचे अध्यक्ष डॉ. संतोष कल्याणकर यांनी घेतला आहे.त्यामुळे
.
हिंगोली जिल्हयात मागील पंधरा ते वीस दिवसापासून पाऊस सुरु आहे. या पावसामुळे नदी, नाल्यांना पुर आल्यामुळे पिकांचे मोठे नुकसान झाले आहे. या शिवाय अनेकांच्या घरात पाणी शिरल्यामुळे संसारोपयोगी साहित्याचेही नुकसान झाले आहे. या अतिवृष्टीमुळे खरीप हंगामात लागवडीचा खर्चही निघणार नसल्याने कुटुंबाचा उदरनिर्वाहाचा प्रश्न निर्माण झाला असून विद्यार्थ्यांची परिक्षा शुल्क भरण्याचाही प्रश्न निर्माण झाला आहे.
दरम्यान, कळमनुरी येथील देवराव कल्याणकर सेवाभावी संस्था संचलित केंब्रीज स्कुल ऑप स्कॉलर्स या इंग्रजी शाळेत इयत्ता पहिली पासून ते १० पर्यंतचे विद्यार्थी शिक्षण घेतात. कळमनुरी शहरासह तालुक्यातील विद्यार्थी या ठिकाणी शिक्षणासाठी येतात. सुमारे ८०० पेक्षा अधिक विद्यार्थी शिक्षण घेत असून या विद्यार्थ्यांमधे बहुतांश विद्यार्थ्यांचे पालक शेतकरी आहे. विद्यार्थ्यांच्या पालकांची अतिवृष्टीमुळे झालेली परिस्थिती लक्षात घेता संस्थेचे अध्यक्ष डॉ. संतोष कल्याणकर, डॉ. शितल कल्याणकर यांनी विद्यार्थ्यांच्या पालकांना आर्थिक आधार म्हणून शाळेच्या शुल्क मध्ये १० टक्के कपात करण्याचा निर्णय घेतला आहे. त्यामुळे पालकावर्गांना काही प्रमाणात का होईना आर्थिक आधार मिळणार असल्याचे डॉ. कल्याणकर यांनी सांगितले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
