महान क्रांतिकारक शहीद भगतसिंग यांच्या जयंतीनिमित्त अमरावती येथील डॉ. बाबासाहेब आंबेडकर चौकातील शहीद स्तंभ आणि बोधीवृक्ष परिसराची युवक काँग्रेसने स्वच्छता केली. महापालिकेकडून या परिसराच्या स्वच्छतेकडे दुर्लक्ष झाल्याने युवक काँग्रेसच्या पदाधिकाऱ्यांनी
.
स्मारक परिसरात मोठ्या प्रमाणात तण वाढले होते आणि अस्वच्छता पसरली होती. भगतसिंगांच्या जयंतीदिनीही महापालिकेने गवताची कापणी किंवा परिसराची स्वच्छता केली नव्हती. याबद्दल युवक काँग्रेसने तीव्र नाराजी व्यक्त केली.
महापालिका प्रशासनाच्या या दुर्लक्षामुळे युवक काँग्रेसने स्वतःच पुढाकार घेऊन स्मारकाची स्वच्छता केली आणि शहीद भगतसिंग यांना अभिवादन केले. यावेळी ‘इंकलाब जिंदाबाद’ आणि ‘शहीद भगतसिंग अमर रहे’ अशा घोषणाही देण्यात आल्या.
यावेळी समीर जवंजाळ, वैभव देशमुख, सागर कलाने, अनिकेत ढेंगळे, आशिष यादव, अक्षय साबळे, आकाश धुराटकर, आकाश गेडाम, धनंजय बोबडे, मोहित भेंडे, शुभम बांबल, चैतन्य गायकवाड, शंतनु देशमुख, अंकुश टोपले, प्रियल मोहोड, सौरभ तायडे, कुणाल गावंडे, गोविंद ठाकरे, प्रफुल्ल तंतरपाळे, शिवानंद भोंगाडे, अनय वाटाणे, ओम कुबडे या युवक काँग्रेसच्या पदाधिकाऱ्यांसह सिनेट सदस्य डॉ. प्रशांत विघे आणि कैलास चव्हाण उपस्थित होते.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
