अमरावती विद्यापीठात महत्त्वपूर्ण नियुक्त्या करण्यात आल्या आहेत. प्राचार्य डॉ. सुभाष गवई यांच्या राजीनाम्यामुळे रिक्त झालेल्या सिनेटच्या जागेवर चांदूर बाजार येथील गो. सी. टोंपे महाविद्यालयाचे प्राचार्य डॉ. राजेंद्र रामटेके यांची निवड करण्यात आली आहे.
.
कुलगुरु डॉ. मिलींद बारहाते यांनी या नियुक्तीसह अभ्यासमंडळावरील तीन रिक्त जागांवरही नवे सदस्य नियुक्त केले आहेत. विज्ञान व तंत्रज्ञान अभ्यासमंडळावर धामणगाव रेल्वे येथील जे. बी. आर्टस अँड बिरला कामर्स कॉलेजचे गणित विभागप्रमुख डॉ. सुधीर बायस्कर यांची नियुक्ती करण्यात आली.
गृह अर्थशास्त्र विषयाच्या अभ्यासमंडळावर दोन नव्या सदस्यांची नियुक्ती करण्यात आली. वरुड येथील पंचफुलाबाई पावडे महिला महाविद्यालयातील डॉ. लीना गावंडे आणि अमरावतीच्या युवाशक्ती महाविद्यालयाच्या डॉ. निलीमा माहोरे या दोन विभागप्रमुखांची निवड करण्यात आली.
महाराष्ट्र विद्यापीठ कायदा २०१६ नुसार, प्राचार्य गवई हे अनुसूचित जाती संवर्गातून सिनेटवर होते. त्यांच्या राजीनाम्यानंतर त्याच संवर्गातून डॉ. रामटेके यांची निवड करण्यात आली. विद्यापीठ प्रशासनाने या सर्व नियुक्त्यांची अधिसूचना जारी केली आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
