अमेरिकी निधीवर सात प्रकल्प सुरू…: मतदानाचा उल्लेख मिळेना, अर्थ खात्याच्या अहवालातून स्पष्ट

अमेरिकन अध्यक्ष डोनाल्ड ट्रम्प यांच्या दाव्यानुसार काही नवी तथ्ये समोर आली आहेत. भारतात मतदानाचा टक्का वाढावा या नावाखाली १८२ कोटी रुपये दिल्याचे ट्रम्प वारंवार सांगत आहेत. तेच भारतात अमेरिकन मदतीवर सध्या सात प्रकल्पांसाठी ८४० कोटी रुपये मिळत आहेत. परंतु त्यात मतदानाचा टक्क्याच्या नावे कोणत्याही प्रकल्पांना निधी दिली जात नाही. तसा उल्लेख नाही.

परराष्ट्र मदतीवर निगराणी ठेवणाऱ्या अर्थ खात्याच्या ताज्या वार्षिक २०२३-२४ अहवालात हे स्पष्ट करण्यात आले आहे. ‘वाॅशिंग्टन पोस्ट’ च्या अहवालानुसार २००८ पासून भारताला मिळालेल्या मदतीमध्ये मतदानाचा उल्लेख आढळून येत नाही. बांगलादेशला अशीच २५१ कोटींची मदत केल्याचा उल्लेख आहे.

‘मोदी मतपत्रिकेवर ट्रम्प यांचा सल्ला मानतील’

काँग्रेसचे सरचिटणीस के.सी. वेणुगोपाल म्हणाले, मोदी त्यांचे मित्र ट्रम्प यांच्या सल्ल्यानुसार मतपत्रिकेवर निवडणूक घेतील का, त्यांचा सल्ला मानतील का? आपले सरकार पारदर्शकता टाळू लागले आहे. ट्रम्प यांनी मतपत्रिकेवरील निवडणूक सुरक्षित म्हटली होती.

ट्रम्प म्हणाले-मोदी व भारताला निधी दिला

ट्रम्प पुन्हा म्हणाले, माझे मित्र मोदी व भारताला मतदानाचा टक्का वाढवण्यासाठी १८२ कोटी रुपयांचा निधी दिला होता. बांगलादेशमधील राजकीय परिस्थिती सुधारण्यासाठी दोन्ही बाजूच्या फर्मला २५१ काेटी दिले. रक्कम मिळाल्यावर लोक खूप खुश झाले असतील.

भारतात अमेरिकी मदतीवर सुरू असलेले सात प्रकल्प –

1. ॲग्रिकल्चर अँड फूड सिक्युरिटीसाठी सामंजस्य करार. 2. सस्टेनेबल फॉरेस्ट तसेच क्लाइमेट अडॉप्शन प्रोग्रामसाठी करार. 3. वाॅटर, सेनिटेशन अँड हायजीनसाठी भागादारी. 4. अक्षय ऊर्जा कमर्शियलायझेशन तथा इनोव्हेशनसाठी सामंजस्य करार 5. आरोग्य प्रकल्पासाठी करार. 6. आपत्ती व्यवस्थापन कार्यक्रम 7. एनर्जी कुशल तंत्रज्ञानाचा वापर आणि नवनिर्मिती योजना.

भारतावर व्यापार कर लवकरच …

ट्रम्प यांनी भारत व चीनवर लवकरच आयात कर लावण्याचा इशारा दिला आहे. व्हाइट हाऊसने शुक्रवारी आपल्या संकेतस्थळावर फॅक्टशीट जाहीर केली आहे.