कळमनुरी तालुक्यातील येडशी तांडा येथील वसतिगृहातील अल्पवयीन मुलीच्या छेडछाड प्रकरणांमध्ये इतर मागास व बहुजन कल्याण विभागाच्या प्रादेशिक उपायुक्त कार्यालयाकडून कारवाई होत नसल्याने पालकांतून तीव्र संताप व्यक्त केला जात आहे. या प्रकरणात संस्था प्रशासनाला
.
कळमनुरी तालुक्यातील येडशी तांडा येथील एका वसतिगृहामध्ये अल्पवयीन मुलीची शिक्षकानेच छेड काढण्याचा प्रकार घडला. विशेष म्हणजे वसतीगृहाच्या अधीक्षकाने या प्रकाराची माहिती मिळाल्यानंतरही सदर प्रकरण दडपण्याचा प्रयत्न केला. मात्र या प्रकरणात घाबरलेल्या मुलीची प्रकृती बिघडल्यानंतर तिने तिच्या कुटुंबीयांना सर्व प्रकार सांगितला होता. त्यानंतर या प्रकरणांमध्ये आखाडा बाळापूर पोलिस ठाण्यात शिक्षक महालिंग पटवे व अधीक्षक मोहन राठोड यांच्याविरुद्ध गुन्हा दाखल झाला.
सदरील प्रकरण गंभीर असतानाही हिंगोलीच्या इतर मागास व बहुजन कल्याण विभागाच्या सहाय्यक संचालक कार्यालयाने केवळ संस्थेला नोटीस बजावून खुलासा मागवला. कार्यालयाच्या नोटीसला उत्तर देताना संस्थेने संबंधित शिक्षकाला बडतर्फ केल्याचे सांगितले तर मुख्याध्यापक व वसतीगृह अधीक्षकावर निलंबनाची कारवाई केल्याची स्पष्ट केले. मात्र अद्यापही सदरील प्रकरण प्रशासनाने गांभीर्याने घेतली नसल्याचे चित्र आहे.
या प्रकरणांमध्ये सहाय्यक संचालक कार्यालयाने संबंधित संस्थेचा खुलासा प्रादेशिक उपायुक्त कार्यालयाकडे पुढील कारवाईसाठी पाठवला आहे. मात्र प्रादेशिक उपायुक्त कार्यालयाकडून अद्याप पर्यंत संबंधित संस्थेवर कुठल्याही प्रकारची कारवाईही करण्यात आली नाही. या प्रकारामुळे पालकांतून तीव्र संताप व्यक्त केला जात आहे. सदर प्रकरणाची वरिष्ठ कार्यालयाला गांभीर्य नाही का असा सवाल उपस्थित केला जात असून आता संस्थेवर कारवाई करावी अशी मागणी जोर धरू लागली आहे. तर दुसरीकडे संस्था प्रशासनाला वरिष्ठ कार्यालयाकडून अभय दिले जात असल्याचा आरोपही केला जाऊ लागला आहे. या प्रकरणात वरिष्ठ कार्यालयाकडून काय भूमिका घेतली जाणार याकडे पालकांचे लक्ष लागले आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
