कळमनुरी तालुक्यातील अवैध वाळू वाहतूक रोखण्यासाठी उपविभागीय अधिकारी प्रतिक्षा भुते यांनी स्थापन केलेल्या पथकाने सोमवारी ता. ७ मध्यरात्री एक वाजता चाफनाथ शिवारातून वाळू वाहतूक करणारे ट्रॅक्टर चिंचाळेश्वर रोडवर पकडले. सदर ट्रॅक्टर कळमनुरी पोलिस ठाण्यात
.
कळमनुरी तालुक्यातील कयाधू नदीच्या घाटावरून अवैधरीत्या वाळू उपसा करून त्याची वाहतूक केली जात असल्याच्या तक्रारी प्राप्त् होत होत्या. रात्रीच्या वेळी वाळू उपसा करून पहाटेच्या सुमारास वाहतुक करण्याचा फंडा वाळू तस्करांनी सुरु केला होता. त्यांना रोखण्यासाठी गेलेल्या महसूल पथकाला शिवीगाळ करणे त्यांच्यावर हल्ला करण्याचे प्रकारही केले जात होते. त्यामुळे उपविभागीय अधिकारी प्रतिक्षा भुते, तहसीलदार जीवककुमार कांबळे यांच्या मार्गदर्शनाखाली पथक स्थापन केले. या पथकासोबत पोलिस बंदोबस्त देखील दिला जात आहे.
दरम्यान, चाफनाथ शिवारातून कयाधू नदीच्या पात्रातून एका ट्रॅक्टरमध्ये वाळू वाहतूक केली जात असल्याची माहिती महसूल विभागाला मिळाली होती. त्यावरून उपविभागीय अधिकारी प्रतिक्षा भुते यांनी तातडीने मंडळ अधिकारी आनंद काकडे, विनायक किन्नोळकर, ग्राम महसूल अधिकारी प्रफुल्ल साधू, माधव फोफसे, राहुल बोरकर, प्रतिक पालखडे, विजय भंडारे, विनोद घुगे, दिनेश राऊत, विशाल पतंगे, जमादार रोहिदास राठोड यांच्या पथकाने मध्यरात्री एक वाजण्याच्या सुमारास चिंचाळेश्वर शिवारात वाहनांची तपासणी सुरु केली.
यावेळी एका ट्रॅक्टरमधून वाळू वाहतूक होत असल्याचे दिसून आले. त्यांनी चालका कडे विचारणा केली असता सदर वाळू चाफनाथ शिवारातून आणल्याचे त्याने सांगितले. महसूल पथकाने सदर ट्रॅक्टर ताब्यात घेऊन कळमनुरी पोलिस ठाण्यात आणले आहे. या प्रकरणी चालकावर दंडात्मक कारवाईसह गुन्हा दाखल केला जाणार असल्याचे महसुल विभागाच्या सूत्रांनी सांगितले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
