औंढा नागनाथ पोलीस ठाणे अंतर्गत असोला शिवारात पोलीस अधीक्षकांच्या विशेष पथकाने एका क्रुझर जीप सह विदेशी दारूचे सहा बॉक्स असा सुमारे साडेबारा लाख रुपयांचा मुद्देमाल जप्त केला आहे याप्रकरणी औंढा नागनाथ पोलीस ठाण्यात मंगळवारी तारीख 18 रात्री तीन जणांवर ग
.
हिंगोली जिल्ह्यांमध्ये बेकायदेशीर दारू विक्री व वाहतूक रोखण्यासाठी पोलीस अधीक्षक श्रीकृष्ण कोकाटे, अप्पर पोलीस अधीक्षक अर्चना पाटील, गुन्हे शाखेचे पोलीस निरीक्षक विकास पाटील यांनी विशेष पथकाची स्थापना केली आहे. या पथकाच्या माध्यमातून जिल्हाभरातील बेकायदेशीर दारू विक्री व वाहतुकीवर छापे टाकून कारवाई केली जात आहे
दरम्यान औंढा पोलीस ठाणे अंतर्गत असोला शिवारात एका क्रुझर जीपमधून विदेशी दारूच्या बॉक्सची वाहतूक होत असल्याची माहिती विशेष पथकाला मिळाली होती त्यावरून विशेष पथकाचे उपनिरीक्षक सतीश ठेंगे, जमादार शामराव गुहाडे, निखिल बारवकर, सुभाष घोडके यांच्या पथकाने मंगळवारी रात्री वाहनांची तपासणी केली होती. यामध्ये रात्रीच्या सुमारास एक क्रुझर जीप थांबवून चालकाची चौकशी सुरू केली होती. मात्र पोलिसांना पाहताच चालकाचे अवसान गळाले. पोलिसांनी विचारलेल्या प्रश्नांना समाधानकारक उत्तरे देता आली नाही त्यामुळे पोलिसांना शंका आली. पोलिसांनी जीपची तपासणी केली असता त्यामध्ये विदेशी दारूचे बॉक्स आढळून आले.पोलिसांनी क्रुझर जीप व विदेशी दारूचे सहा बॉक्स असा साडेबारा लाख रुपयांचा मुद्देमाल जप्त केला आहे.
याप्रकरणी उपनिरीक्षक ठेंगे यांच्या तक्रारीवरून औंढा नागनाथ पोलिसांनी सय्यद अकबर, चंद्रकांत चेपूरवार (रा वसमत), सिताराम घुगे यांच्याविरुद्ध गुन्हा दाखल केला आहे जमादार दिलीप नाईक पुढील तपास करीत आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
