जगभरात लॉर्ड ऑफ वॉर म्हणून ओळखल्या जाणाऱ्या वादग्रस्त आर्म डीलर अभिषेक वर्मा याने शिंदे गटात प्रवेश केला आहे. या अभिषेक वर्मावर भाजपचे ज्येष्ठ नेते लालकृष्ण आडवाणी आणि भाजपने गंभीर आरोप केले होते. त्यावरून आता विधान परिषदेतील विरोधी पक्षनेते अंबादास
.
शिवसेना ठाकरे गटाचे नेते अंबादास दानवे यांनी सोशल मीडियावर पोस्ट केली आहे. अंबादास दानवे यांनी लिहिले आहे की, शस्त्र व्यापार विश्वात ज्यावर मागे मोठे आरोप झाले असा अभिषेक वर्मा हा शिंदे गटात गेला आणि तो राष्ट्रीय समन्वयकही झाला. मुळात वर्मावर 2006 साली आज शिंदेंचे छत्र असलेल्या भारतीय जनता पक्षाने त्यावर मोठे आरोप केले होते.
अंबादास दानवेंचे ट्विट काय?
अंबादास दानवे म्हणाले की, शस्त्र व्यापार विश्वात ज्यावर मागे मोठे आरोप झाले असा अभिषेक वर्मा हा शिंदे गटात गेला आणि तो राष्ट्रीय समन्वयकही झाला. मुळात वर्मावर 2006 साली आज शिंदेंचे छत्र असलेल्या भारतीय जनता पक्षाने त्यावर मोठे आरोप केले होते. या आरोपानंतर वर्माने भाजपचे ज्येष्ठ नेते लाल कृष्ण अडवाणी यांच्यावर खटलादेखील भरला होता. मग आज अमित शाह आणि देवेंद्र फडणवीस हे अडवणींवर भरलेला हा खटला विसरले आहेत की अभिषेक वर्मा हा माणूस त्यांच्या स्मरणातून गेला. म्हणून की काय भाजपची उपशाखा असलेल्या शिंदे गटात वर्मा सारखे लोक प्रवेश करतात आणि पदही मिळवत आहेत. असे असेल तर लाल कृष्ण अडवाणी यांच्या लढ्याला आज भाजपच्या लेखी शून्य महत्व राहिले आहे!
कोण आहे अभिषेक वर्मा ?
अभिषेक वर्माच्या कुटुंबाला काँग्रेसची पार्श्वभूमी असून स्कॉर्पियान पाणबुडी खरेदी प्रकरणातील संशयित आहे. 2006 साली भाजपने आरोप केले होते. जगभरात लॉर्ड ऑफ वॉर म्हणून ओळखल्या जाणाऱ्या विवादास्पद आर्म्स डीलरवर 2012 साली सीबीआयने धाडी टाकल्या होत्या. मुंबईतील व्यावसायिक आणि शस्त्रास्त्र डीलर म्हणून अभिषेक वर्मा यांना ओळखले जाते. त्यांनी 31 जानेवारी 2025 रोजी उपमुख्यमंत्री एकनाथ शिंदेंच्या उपस्थितीत त्यांनी शिवसेनेत प्रवेश केला होता. यावेळी अभिषेक वर्मा यांच्यासह त्यांच्या पत्नी अनका वर्मा देखील उपस्थित होत्या.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
