घाटनांद्रा येथे आषाढी एकादशीच्या निमित्ताने महालक्ष्मी स्थापनेचा देखावा सादर करण्यात आला. वारकरी संप्रदायाचा संदेश देणाऱ्या या देखाव्याने उपस्थितांचे लक्ष वेधून घेतले.
.
प्रकाश बारस्कर यांनी आपल्या घरी रविवारी श्री महालक्ष्मीची स्थापना केली होती. त्यांच्या मुलीने, कोमल बारस्कर हिने पर्यावरणपूरक साहित्य वापरून आषाढी वारीचा देखावा उभारला. कागद, पुठ्ठा, पोते, लाकूड, माती यांचा वापर करून तिने हा देखावा तयार केला. तिने हातात टाळ, मृदुंग, झेंडा घेतलेले वारकरी, रथ, विठ्ठलाची मूर्ती, पावले, फुगड्या खेळणाऱ्या महिला भगिनींच्या प्रतिमा साकारल्या. हा देखावा तयार करताना तिचे वडील प्रकाश बारस्कर, लोकेश बारस्कर, कान्हा बारस्कर, यशराज बारस्कर, प्रियंका चौधरी यांनी मदत केली. प्रतिनिधी । घाटनांद्रा घाटनांद्रा येथे मंगळवारी सायंकाळी घरघुती पाच दिवसांच्या गणपती बाप्पा आणि तीन दिवसांपासून माहेरवाशीन म्हणून आलेल्या गौराई-जेष्ठा कनिष्ठा यांना भावपूर्ण वातावरणात निरोप देण्यात आला. पुढच्या वर्षी लवकर या, अशी प्रार्थना भक्तांनी केली. विसर्जनावेळी वरुणराजानेही हजेरी लावल्याने भक्तांमध्ये उत्साहाचे वातावरण होते. येथील शेरी हडोळ प्रकल्पात सायंकाळी सहा वाजता गणपती बाप्पांचे विधिवत विसर्जन करण्यात आले. यापूर्वी ब्रह्मवृंदांच्या मंत्रोच्चारात पूजा आणि आरती करण्यात आली. त्यानंतर तलावात बाप्पाला अखेरचा निरोप देण्यात आला. गणरायाचे आगमन झाल्यानंतर तीन दिवसांनी गौराई आपल्या भाऊरायाच्या भेटीसाठी माहेरी येते. दोन दिवस पूजा आणि पुरणपोळीचे जेवण होते. तिसऱ्या दिवशी गौराई सासरी परतते. त्याच दिवशी गणरायाचेही विसर्जन करण्याची परंपरा येथे आहे. यावेळी एकूण विस घरघुती गणपतींचे विसर्जन करण्यात आले. गौराईलाही निरोप देण्यात आला. घरोघरी मंगलमय, प्रसन्न आणि आनंददायी वातावरण होते. गणेश भक्त मोठ्या संख्येने उपस्थित होते. जयघोषात बाप्पाला निरोप देण्यात आला. घाटनांद्रा येथे मंगळवारी सायंकाळी घरगुती पाच दिवसांच्या गणपती बाप्पांचे विसर्जन करण्यात आले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
