भंडारा जिल्हा परिषदेच्या एका आरोग्य केंद्रातील वैद्यकीय अधिकाऱ्याचा आक्षेपार्ह वर्तनाचा व्हिडिओ समाज माध्यमांवर मोठ्या प्रमाणात व्हायरल झाल्याने खळबळ उडाली आहे. या प्रकरणी दोषी अधिकाऱ्याला तातडीने निलंबित करण्याची मागणी जोर धरू लागली असून, त्याचे तात
.
भंडारा जिल्हा परिषदेतील एका आरोग्य केंद्रातील वैद्यकीय अधिकाऱ्याचा आक्षेपार्ह वर्तनाचा व्हिडिओ समाज माध्यमात प्रचंड व्हायरल झालेला आहे. या प्रकरणात संबंधित वैद्यकीय अधिकाऱ्याचे लाखनी तालुक्यातील मुरमाडी/तूप आरोग्य केंद्रातून तत्काळ स्थानांतरण करावे, अन्यथा प्राथमिक आरोग्य केंद्राला कुलूप ठोकण्यात येईल, असा इशारा पंचायत समिती सदस्य दादू खोब्रागडे यांनी प्रशासनाला दिला आहे. विशेष म्हणजे शुक्रवार, २९ ऑगस्ट रोजी झालेल्या लाखनी पंचायत समितीच्या मासिक सभेत संबंधित अधिकाऱ्याच्या बदलीचा ठराव एकमताने मंजूर करण्यात आला आहे.
मिळालेल्या माहितीमुसार, मुरमाडी/तुपकर आरोग्य केंद्रातील संबंधित अधिकाऱ्याच्या व्हायरल व्हिडिओमध्ये निर्जन ठिकाणी एका महिलेसोबत आक्षेपार्ह स्थितीत दिसत असल्याने संपूर्ण जिल्ह्यात खळबळ उडाली आहे. या घटनेमुळे स्थानिक नागरिकांमध्ये मोठा रोष निर्माण झाला असून, गुरुवार, २८ ऑगस्ट रोजी मोठ्या संख्येने भंडारा येथे आलेल्या नागरिकांनी जिल्हा परिषद भंडाराच्या अध्यक्ष कविता उईके, जिल्हा आरोग्य अधिकारी मिलिंद सोमकुवर आणि जिल्हाधिकारी सावन कुमार यांची भेट घेऊन निवेदन सादर केले होते.
या निवेदनात ‘त्या’ अधिकाऱ्याला सेवेतून तत्काळ निलंबित करण्याची मागणी करण्यात आली होती. जिल्हाधिकाऱ्यांनी या प्रकरणाची गंभीर दखल घेतल्याचे सांगितले जात आहे. आता पंचायत समिती सदस्य दादू खोब्रागडे यांनी या प्रकरणाला अधिक वेग दिला असून संबंधीत अधिकाऱ्याचे तत्काळ स्थानांतरण करावे, अन्यथा आरोग्य केंद्राला कुलूप ठोकण्याचा इशारा त्यांनी दिला आहे. याप्रकरणी जिल्हा आरोग्य अधिकारी काय कारवाई करतात? याकडे सर्वांचे लक्ष लागले आहे.
अधिकाऱ्यांच्या स्थानांतरणासाठी ठराव मंजूर
संबंधित वैद्यकीय अधिकाऱ्याचा समाज माध्यमात व्हिडिओ व्हायरल झालेला असल्याने गावात प्रचंड रोष व्यक्त होत आहे. मुरमाडी/तूप ग्रामपंचायतीच्या काल झालेल्या ग्रामसभेत या अधिकाऱ्याचे तत्काळ स्थानांतरण करावे असा ठराव मंजूर करण्यात आला आहे, असे मुरमाडी/तूप ग्रामपंचायतच्या सरपंच सुषमा चुटे यांनी सांगितले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
