छत्रपती संभाजीनगर महानगरपालिका निवडणुकीमध्ये एमआयएमचे ३३ नगरसेवक निवडून आले. पक्षाला मिळालेल्या या भरघोस यशाचा आनंद विजयी उमेदवार तसेच कार्यकर्त्यांनी पक्षाचे प्रदेशाध्यक्ष इम्तियाज जलील यांच्यावर चक्क पैसे उधळून व्यक्त केला. एमआयएमच्या विजयामुळे शहरात विविध ठिकाणी विजयाचा जल्लोष करण्यासाठी कार्यक्रमांचे आयोजन करण्यात येत आहे. अशाच एका कार्यक्रमामध्ये इम्तियाज जलील हे उपस्थित होते. या कार्यक्रमामध्ये गाणी वाजवणे सुरू होते. या ठिकाणी पक्षाचे कार्यकर्ते तसेच एमआयएम पक्षाकडून विजयी झालेले उमेदवार तसेच कार्यकर्त्यांची मोठी गर्दी होती. इम्तियाज जलील येताच माइकवरून गाणे म्हणणे सुरू झाले. या वेळी कार्यकर्त्यांनी इम्तियाज यांच्यावर पैशांची उधळण केली.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
