दसऱ्याच्या निमित्ताने अहिल्यानगरच्या बाजारपेठेत चांगलाच उत्साह दिसून आला. सोने-चांदीचा भाव दरदिवशी वाढत असताना सराफा व्यावसायिकांकडून देण्यात आलेल्या ऑफर्समुळे साडेतीन मुहूर्तापैकी एक महत्त्वाचा मुहूर्त साधत अहिल्यानगरकरांनी खरेदीला प्राधान्य दिले. स
.
दसऱ्याच्या मुहूर्तावर नवे कपडे, पूजा साहित्य, झेंडूची फुले यासह पारंपारिक सोने खरेदी, इलेक्ट्रॉनिक्स वस्तू, फर्निचर खरेदीच्या पूर्व तयारीसाठी नागरिकांनी बाजारपेठेत गर्दी केली. वाहनांचे बुकिंग तर दीड महिन्यांपासून सुरू होते. घटस्थापनेपासून कापड बाजार, सराफ बाजार, नवी पेठ, प्रोफेसर कॉलनी चौक आदी बाजारपेठा गर्दीने फुलल्या होत्या. बाजारपेठेत गुरुवारी सकाळपासूनच गर्दी होती. आधीच बुकिंग केलेल्या अनेकांनी दसऱ्याच्या मुहूर्तावर गृहप्रवेश केला.
सराफा बाजार : रात्री उशिरापर्यंत खरेदीसाठी ग्राहकांची गर्दी कायम दसऱ्याच्या मुहूर्तावर सोने खरेदी केली जाते. त्यामुळे दर वाढलेले असले तरी मोठ्या प्रमाणात नागरिकांनी सोने-चांदीचे दागिने खरेदी केले. सणाच्या पार्श्वभूमीवर शहरातील अनेक सराफ व्यावसायिकांनी विविध ऑफर्स ठेवल्या होत्या. सराफ व्यावसायिक दिनेश देशमुख म्हणाले की, यंदा सोन्याचे नाणे, आपट्याचे पान आणि कमी वजनाचे दागिने अशी ट्रिपल ऑफर ठेवल्याने अनेक ग्राहकांनी त्याचा लाभ घेतला. दरम्यान, रात्री ९ वाजेनंतरही सोने-चांदी खरेदीसाठी ग्राहकांची दुकानांमध्ये गर्दी कायम होती.
इलेक्ट्रॉनिक्स व्यवसाय : खरेदीत उत्साह दिसला जीएसटीचे दर कमी झाल्याने यंदा इलेक्ट्रॉनिक बाजारात खरेदीचा उत्साह जास्त दिसून आला. एलईडी टीव्हीवर आधी २८ टक्के जीएसटी लागत होता. तो आता १८ टक्क्यांवर आल्याने दर कमी झाले आणि खरेदी वाढली. दसऱ्याच्या दिवशी ४३, ५०, ५५ इंच आकाराच्या एलईडी टीव्हीची मागणी जास्त होती. त्यातही ॲडव्हान्स फिचर असलेल्या आणि डोळ्यांसाठी अपायकारक नसलेल्या “क्यू एलईडी’ची अनेक ग्राहकांनी खरेदी केल्याचे इलेक्ट्रॉनिक विक्रेते जेठाभाई धामेजा यांनी “दिव्य मराठी’शी बोलताना सांगितले.
रिअल इस्टेट : फ्लॅटसाठी उपनगरांना सर्वाधिक पसंती दसऱ्याचा मुहूर्त साधण्यासाठी पितृपक्ष सुरू होण्याआधीपासूनच नोंदणी सुरू झाली होती. मध्यमवर्गीयांचा टू बीएचकेकडे कल वाढला आहे. सावेडी उपनगरात टू बीएचके फ्लॅट ५० ते ९० लाखांपर्यंत नोंदणी झाले. तर, मध्य शहरात ३० ते ५० लाखांपर्यंत दराने फ्लॅटची बुकिंग होत आहे. बुरुडगाव रोड भागातही ६० लाख ते ९० लाखांपर्यंत फ्लॅट विक्री सुरू होती. या संदर्भात क्रेडाईचे अध्यक्ष गिरीश अगरवाल म्हणाले की, मागील वर्षीपेक्षा यंदा ग्राहकांचा प्रतिसाद वाढला आहे. रो हाऊस शहरापासून लांबवर असल्याने व तेवढ्याच किंमतीत शहरात फ्लॅट उपलब्ध असल्याने फ्लॅटकडे कल वाढला आहे. दसऱ्याचा मुहूर्त साधण्यासाठी दोन महिने आधीपासूनच बुकिंग सुरू झाले. रेडीपझेशन फ्लॅट खरेदी घेणाऱ्यांची संख्याही अधिक आहे. त्यातही मध्यमवर्गीयांचा टू बीएचके व थ्री बीएचके फ्लॅटकडे कल वाढला आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
