बांधकाम सुरू असलेल्या एका इमारतीवरून खाली पडलेली एक वीट थेट डोक्यात पडल्यामुळे एका 22 वर्षीय तरुणीचा मृत्यू झाल्याची दुर्दैवी घटना मुंबईच्या जोगेश्वरी परिसरात घडली आहे. मृत तरुणी नियमितपणे या भागातून आपल्या नोकरीला जात होती. पण रस्त्यातच मृत्यूने तिल
.
यासंबंधीच्या माहितीनुसार, संस्कृती अनिल अमिन असे मृत तरुणीचे नाव आहे. ती आज सकाळी 9.30 च्या सुमारास जोगेश्वरी पूर्व भागातील मजासवाडी परिसरातून जात होती. या भागात एका इमारतीचे बांधकाम सुरू आहे. संस्कृती या इमारतीजवळ येताच या इमारतीवरून एक वीट (सिमेंट ब्लॉक) खाली पडली. ही वीट थेट संस्कृतीच्या डोक्यात पडल्यामुळे ती जागीच मृत्युमुखी पडली. या घटनेची माहिती मिळताच मेघवाडी पोलिसांनी घटनास्थळी धाव घेतली. त्यांनी मुलीचे पार्थिव ताब्यात घेत पुढील सोपस्कारासाठी रुग्णालयात पाठवले. या प्रकरणी पुढील तपास केला जात आहे.
मृत तरुणीच्या वडिलांनी सांगितला संपूर्ण घटनाक्रम
दुसरीकडे, संस्कृतीचे वडील अनिल उमेश अमिन यांनी या प्रकरणी पोलिसांत तक्रार दाखल केली आहे. ते आपल्या फिर्यादीत म्हणतात, मी जोगेश्वरी पूर्व भागात पत्नी सुप्रिया, आई पद्मावती, मुलगी संस्कृती व भाची निशीता बेमेरा यांच्यासोबत राहतो. माझा केटरिंगचा व्यवसाय आहे. माझी मुलगी संस्कृती हिने हॉटेल मॅनेजमेंटचा कोर्स पूर्ण केला होता. ती गत 4-5 दिवसांपासून गोरेगाव (प.) येथील आरबीएल बँकेत नोकरीस जात होती. 9.30 ते 6.20 हा तिचा नोकरीचा वेळ होता. आज सकाळी (10 ऑक्टोबर) ती नेहमीप्रमाणे सकाली 9.30 वा. नोकरीस जाण्यासाठी घराबाहेर पडली.
त्यावेळी मी घरात नाश्ता करत होतो. त्याचवेळी बाहेरून जोरात ओरडण्याचा आवाज आला. मी घराबाहेर येऊन पाहिले असता तिथे गर्दी जमल्याचे दिसले. त्यावेळी मी गर्दीतून पुढे जाऊन पाहिले असता माझी मुलगी संस्कृती रक्ताच्या थारोळ्यात जमिनीवर पडली होती. मी घाबरलो. तिला जवळ जाऊन पाहिले असता तिच्या डोक्यावर जोरात मार लागल्याने रक्तस्त्राव होत असल्याचे दिसले. त्यावेळी मी काय झाले? अशी विचारणा केली असता तिच्या डोक्यात उंच निर्माणाधीन इमारतीवरून पांढरी सिमेंटची वीट पडल्याचे समजले. त्यानंतर तिला लगतच्या रुग्णालयात नेले असता डॉक्टरांनी तिला मृत घोषित केले.
उल्लेखनीय बाब म्हणजे मुंबईत नेहमीच अनेक ठिकाणी उंच इमारतींचे बांधकाम सुरू असते. याठिकाणी अनेकदा अपघाताच्या घटना घडतात. त्यातच आज संस्कृतीचा डोक्यात वीट पडल्यामुळे मृत्यू झाल्यामुळे मोठी हळहळ व्यक्त केली जात आहे. विशेषतः बांधकामस्थळी आपत्कालीन उपाययोजना राबवण्याचा मुद्दाही या प्रकरणी ऐरणीवर आला आहे.
हे ही वाचा…
शेतीच्या वादातून महिलेचे पाय तोडण्याचा प्रयत्न:बीडच्या अंजनवती येथील घटना; कारागृहातील कैद्यांवर धर्मांतराचा दबाव असल्याचाही आरोप
बीड – शेतीच्या वादातून एका महिलेचे पाय तोडण्याचा प्रयत्न करण्यात आल्याची खळबळजनक घटना बीड जिल्ह्यातील अंजनवती गावात घडली आहे. या घटनेत गंभीर जखमी झालेल्या महिलेवर बीड जिल्हा रुग्णालयात उपचार सुरू आहेत. तिथे तिची प्रकृती गंभीर असल्याची माहिती आहे. दरम्यान, अन्य एका घटनेत वकील राहुल आघाव यांनी बीड जिल्हा कारागृहात काही कैद्यांवर धर्मांतरासाठी दबाव टाकण्यात येत असल्याचा आरोप केला आहे. या घटनेमुळेही जिल्ह्यात एकच खळबळ माजली आहे. वाचा सविस्तर
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
