सत्ताधाऱ्यांच्या पायाखालची वाळू सरकली आहे. ज्यांच्यात एकमत नाही, सुसंवाद नाही, उलट विसंवाद सुरू आहे. बहुमताने सरकार येऊन सुद्धा रोज नवीन नवीन बातम्या दिल्या जात आहेत. अनेक मंत्री गटांगळ्या खात आहेत. अशा बातम्या सातत्याने समोर येत असताना त्यांच लक्ष द
.
उद्धव ठाकरे गटाचे सहा खासदार हे एकनाथ शिंदे यांचे नेतृत्वात महायुतीमधील शिवसेना पक्षामध्ये येणार असल्याचा दावा शिंदे गटाच्या वतीने करण्यात आला होता. या दाव्याला प्रत्युत्तर देण्यासाठी उद्धव ठाकरे गटाच्या खासदारांनी एकत्रित पत्रकार परिषदेचे आयोजन केले. उद्धव ठाकरे गट हा एकसंघ असल्याचा संदेश या माध्यमातून या खासदारांनी दिला आहे.
ठाकरे यांच्या खासदारांबद्दल आणि त्यांच्या निष्ठे बद्दल जनमाणसांमध्ये मन कलुषित करण्याचा प्रयत्न केला जात असल्याचा आरोप सावंत यांनी केला. याचा आम्ही निषेध करत असल्याचे देखील अरविंद सावंत यांनी म्हटले आहे. आम्ही सर्व उद्धव बाळासाहेब ठाकरे शिवसेना या पक्ष सोबत आहोत. त्यामुळे जे कोणी या बातम्या सोडत आहेत, त्यांनी आचे चित्र पहावे, असे आव्हान देखील त्यांनी केले. त्यांच्यातच पालकमंत्री पदाचा वाद सुरु असल्याचा आरोप देखील त्यांनी केला.
उद्धव ठाकरे यांच्या खासदारांची यादी
- अरविंद सावंत- दक्षिण मुंबई लोकसभा
- अनिल देसाई- दक्षिण मध्य मुंबई लोकसभा
- संजय दीना पाटील- ईशान्य मुंबई लोकसभा
- संजय जाधव- परभणी लोकसभा
- ओम राजेनिंबाळकर- धाराशिव लोकसभा
- भाऊसाहेब वाकचौरे- शिर्डी लोकसभा
- राजाभाऊ वाजे- नाशिक लोकसभा
- संजय देशमुख- यवतमाळ-वाशीम लोकसभा
- नागेश पाटील-आष्टीकर- हिंगोली लोकसभा
एकनाथ शिंदे यांच्या पक्षाचा नेमका दावा काय?
लोकसभा निवडणुकीमध्ये ठाकरे गटाला चांगले यश प्राप्त झाले आहे. मात्र, देशात नरेंद्र मोदी यांच्या नेतृत्वात पुन्हा एकदा महायुतीचे सरकार स्थापन झाले. त्यामुळे पुढची पाच वर्षे सत्ताधारी पक्षात बसण्याची ठाकरे गटाच्या खासदारांची इच्छा आहे. मात्र, आता पक्ष फुटला तर पक्षांतर बंदी कायद्यानुसार त्यांच्यावर कारवाई होऊ शकते. या कायद्यातून वाचायचे असेल तर सहा खासदारांचा आकडा महत्त्वाचा आहे. त्यामुळे सहा खासदारांचे मन वळवण्यात शिंदे गटाला यश आले असल्याचा दावा शिंदे गटाकडून केला जातोय. या खासदारांच्या बाबतीत पडद्यामागची जुळवणी पूर्ण झाली असून लवकरच हे सहा खासदार शिंदे यांच्या नेतृत्वात शिवसेनेत प्रवेश करतील, अशी माहिती देखील देण्यात येत आहे.
‘ऑपरेशन टायगर’ होणारच मात्र टप्प्याटप्प्याने – मंत्री उदय सामंत
उपमुख्यमंत्री एकनाथ शिंदे यांनी केलेले काम पाहून अनेक नेते आणि कार्यकर्ते हे शिवसेनेत प्रवेश करण्याची तयारी दाखवत आहेत. वंदनीय बाळासाहेब ठाकरे यांचे विचार पुढे नेणारी शिवसेना ही एकनाथ शिंदे यांच्याच नेतृत्वात चालते, हे आता लोकांना कळून चुकले आहे. त्यामुळे अनेक लोक संपर्कात आहेत, हे निश्चित आहे. मात्र, टप्प्याटप्प्याने त्यांचा प्रवेश होईल, असे म्हणत मंत्री उदय सामंत यांनी पुन्हा एकदा ‘ऑपरेशन टायगर’ संदर्भात संकेत दिले आहेत. ‘ऑपरेशन टायगर’ होणार आहे. मात्र ते टप्प्याटप्प्याने होणार असल्याचे त्यांनी सांगितले.
उद्धव ठाकरेंचे बडबड करणारे नेते 2-3 दिवसांत शिंदेसेनेत – संतोष बांगर
ठाकरे गटात आता काही उरले नाही, त्यांचे सर्वच लोकं आमच्यासोबत येणार आहेत. त्यांचे मेन नेते यांचीही शिंदेसेनेत येणार आहेत. आता त्यांचे मेन नेते म्हणजे कोण हे सांगण्याची गरज नाही, मुख्य नेत्यांचा 8 दिवसात शिंदेसेनेत प्रवेश होणार आहे. तर ठाकरे गटाचे बडबड करणारे नेते 2-3 दिवसात शिंदेंचे नेतृत्व स्वीकारतील, असे शिवसेना आमदार संतोष बांगर यांनी म्हटले आहे. दरम्यान गेल्या दोन दिवसांपासून ठाकरे गटाचे 6 खासदार उद्धव ठाकरेंची साथ सोडत एकनाथ शिंदे यांचे नेतृत्व स्वीकारणार अशी चर्चा सुरू आहे. यावर बोलताना आमदार संतोष बांगर म्हणाले की, ठाकरे गटाचे बडबड करणारे नेते 2 ते 3 दिवसांमध्ये शिंदेंसोबत दिसतील. तर खासदार नरेश म्हस्केंनी तिकडे ठाकरे आणि राऊत सोडून कुणीच उरणार नाही असा दावा केला आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
