शिवसेना उद्धव बाळासाहेब ठाकरे पक्षाचे पक्षप्रमुख उद्धव ठाकरेंनी पुन्हा एकदा कोकण पादाक्रांत करण्याच एल्गार केला आहे. बघू कोण मध्ये येतोय असं म्हणत उद्धव ठाकरेंनी विरोधकाना थेट इशाराही दिला आहे. कोकणातील काँग्रेस नेते सहदेव बेटकर यांच्या पक्षप्रवेशाचं निमित्त ठरलं आहे. ठाकरेंची कोकणावर वर्चस्व निर्माण करण्यासाठीच्या रणनितीबाबत उत्सुकता निर्माण झाली आहे.
लोकसभा आणि विधानसभेत दारुण पराभव झालेल्या शिवसेना उद्धव बाळासाहे ठाकरे पक्षाला पुन्हा कोकण पादाक्रांत करायचा आहे. एकेकाळी कोकण हा शिवसेनेचा बालेकिल्ला होता. पण गेल्या लोकसभा आणि पाठोपाठ झालेल्या विधानसभा निवडणुकीत पक्षाची कोकणात मोठी पिछेहाट झाली आहे. त्यामुळेच पक्षप्रमुख उद्धव ठाकरे यांनी पुन्हा एकदा कोकण पादाक्रांत करण्याचा एल्गार केला आहे. उद्धव ठाकरे पुन्हा एकदा कोकणात पक्षविस्तारासाठी मोहीम सुरू करणार असल्याचे संकेत दिले आहेत.
कोकणात पक्षसंघटना मजबूत करण्याच्या कामाला उद्धव ठाकरे लागल्याचं दिसत आहे. मातोश्रीवर कोकणातील काँग्रेस नेते सहदेव बेटकर यांनी ठाकरेंच्या शिवसेनेत प्रवेश केला. त्याच प्रसंगी ठाकरेंनी हा निर्धार केला. याच पक्षप्रवेशावेळी संजय राऊत यांनी उद्धव ठाकरेंना कोकणचा दौरा करण्याची विनंती केली. त्यानंतर ठाकरेंनी हा एल्गार केला.
तर विरोधकांनी लोकसभा विधानसभेला कोकणात मिळवलेलेल्या विजयावरूनही उद्धव ठाकरेंनी विरोधकांवर हल्लाबोल केला आहे.
एकेकाळी शिवसेनेचा बालेकिल्ला असलेल्या कोकणात आता ठाकरेंच्या हाती तसं फारसं राहिलेलं नाही. कोकणावर निर्विवाद सत्ता असणाऱ्या ठाकरेंचा आता कोकणात केवळ एकच आमदार आहे. त्यामुळे आता कोकणात पक्षविस्ताराचा निर्धार उद्धव ठाकरेंनी केलेला दिसतोय. त्यात सहदेव बेटकरांच्या प्रवेशानं कोकणात ठाकरेंना ताकद मिळणार आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
