digital products downloads

उपजिल्हाधिकारी कटके प्रकरणात धक्कादायक तपशील: पत्नीसह तिघांना अटक; घरातून काळे लिंबू, बाहुली-जादूटोण्याचे साहित्य जप्त – Chhatrapati Sambhajinagar News

उपजिल्हाधिकारी कटके प्रकरणात धक्कादायक तपशील:  पत्नीसह तिघांना अटक; घरातून काळे लिंबू, बाहुली-जादूटोण्याचे साहित्य जप्त – Chhatrapati Sambhajinagar News


छत्रपती संभाजीनगर येथील उपजिल्हाधिकारी देवेंद्र कटके यांच्या प्रकरणात नवीन माहिती समोर आली आहे. पोलिसांनी मंगळवारी कटके यांच्या जालाननगर येथील घराची झडती घेतली. या झडतीदरम्यान जादूटोण्याचे विविध साहित्य आढळून आले.

.

पोलिसांनी जप्त केलेल्या साहित्यामध्ये काळे लिंबू, सुई टोचलेली बाहुली, बिबे, राख, कोळसा, लवंगाची माळ आणि शेंदूर यांचा समावेश आहे. या प्रकरणी कटके यांच्या तक्रारीवरून सहा जणांविरुद्ध गुन्हा दाखल करण्यात आला आहे. यामध्ये त्यांची पत्नी सारिका कटके (47), विनोद उबाळे (38) आणि अतिश देशमुख (42) यांना अटक करण्यात आली आहे. न्यायालयाने तिघांना 3 एप्रिलपर्यंत पोलिस कोठडी सुनावली आहे.

प्रकरणाचा तपास एसीपी रणजीत पाटील करत आहेत. 3 मार्चला घडलेल्या घटनेत विनोद उबाळेने केंब्रिज चौकात कटके यांच्यावर पिस्तूल रोखले होते. उबाळेने स्वतःला जरांगे पाटलांचा मीडिया ॲडव्हायझर म्हणून संबोधले होते. मात्र, जरांगे पाटलांनी याबाबत स्पष्टीकरण देत आपण कुठेही मीडिया ॲडव्हायझर नेमलेला नसल्याचे सांगितले आहे.

कटके यांच्या पत्नीने त्यांना जेवणात विष देण्याचा प्रयत्न केल्याचा आरोपही यापूर्वी समोर आला होता. सारिका कटके, सासू, मेहुणा, पत्नीचा मित्र आणि दोन महिलांविरुद्ध अघोरी विद्या, जादूटोणा आणि जातिवाचक शिवीगाळीचा गुन्हा नोंदवण्यात आला आहे. पोलिस इतर आरोपींचा शोध घेत आहेत.

अघोरी विद्येचा प्रयोग

सारिका, विनोद उबाळे, सारिकाची आई सुवर्णाबाई, भाऊ आतिष, मोलकरीण छायाबाई, संगीताबाई या सर्वांनी कट रचून कटके यांच्यावर अघोरी विद्येचे प्रयोग केले. त्यांना जेवणातून विषबाधा करून मारण्याचा कट रचला. घरात देवेंद्र यांच्या गादीखाली काळे झालेले लिंबू, सुई टोचलेली बाहुली आढळली. फुलदाणीत बिबे, स्मशानातील राख, कोळसा, लवंगांची माळ, शेंदूर असे साहित्य दिसून आले, असे फिर्यादीत म्हटले आहे.

Doonited Affiliated: Syndicate News Hunt

This report has been published as part of an auto-generated syndicated wire feed. Except for the headline, the content has not been modified or edited by Doonited.

Source link

Uniq Art Store India

Related posts

Leave a Reply

Your email address will not be published. Required fields are marked *

Uttarakhand News Doonited
Social media & sharing icons powered by UltimatelySocial
Instagram
WhatsApp