‘दक्षिण काशी’ म्हणून राज्यासह सर्वदूर ओळख असलेल्या प्रकाशा तीर्थक्षेत्री गुरुवारी ऋषिपंचमी निमित्त पवित्र स्नानासाठी महिला भाविकांनी मोठ्या प्रमाणावर गर्दी केली. पहाटे सहा वाजेपासून तापी घाटावर महिला दाखल होऊ लागल्या होत्या. केदारेश्वर मंदिरात देखील
.
ऋषिपंचमी निमित्त सूर्य कन्या तापी नदीत स्नान करण्याला धार्मिक महत्त्व आहे. त्यामुळे खान्देशासह विविध ठिकाणांहून आलेल्या महिलांची पहाटेपासूनच गर्दी झाली होती. यामुळे तापी नदी घाट महिला भाविकांच्या गर्दीने फुलला होता. मंदिर परिसरासही यात्रेचे स्वरूप आले. केदारेश्वर, काशी विश्वेश्वर, पुष्पदंतेश्वर, सद्गुरू धर्मशाळा आदी संस्थानांकडून भाविकांना सोयी-सुविधा उपलब्ध करून देण्यासाठी स्वयंसेवक यांनी सहकार्य केले.
मंदिर परिसरात पूजा साहित्य विक्रीची दुकाने ऋषिपंचमीला तापी नदीत स्नान करण्यापूर्वी आघाडा या वनस्पतीने दात घासण्याची प्रथा आहे. या वनस्पतीच्या काड्यांचीही मोठ्या प्रमाणावर विक्री झाली. तर पूजेसाठी लागणारे साहित्य बेलफूल, नारळ, पूजेचे साहित्य, विविध देवतांचे फोटो आदी विक्रीसाठी मंदिर परिसरात दुकाने थाटली.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
