एकनाथ खडसेंना ट्रॅपची माहिती होती तर जावयांना अलर्ट करायचे ना: काही झाले की हे दुसऱ्यावर ढकलतात- गिरीश महाजन – Mumbai News

.

गिरीश महाजन पुढे बोलताना म्हणाले की, या रेव्ह पार्टीमध्ये दारु, हुक्का आणि ड्रग्ज मोठ्या प्रमाणात मिळून आले आहेत. या प्रकरणी पोलिसांनी एकनाथ खडसे यांच्या जावयांना ताब्यात घेतल्याचे मी बातम्यामध्ये पाहिले आहे. या प्रकरणी मी काही माहिती अजून घेतलेली नाही.

खडसे ड्रग्ज विरोधात बोलतात अन् जावई…

गिरीश महाजन म्हणाले की, कालच एकनाथ खडसे यांनी माध्यमांसमोर बोलताना म्हटले की, चाळीस गावला इतके ड्रग्ज का मिळतात. इथेच का ड्रग्ज सापडतात असा सवाल केला होता. खडसे नेहमी ड्रग्ज विरोधात बोलत असतात पण आता त्यांचे जावईच सर्व उद्योग चालवत आहे, हे आज समोर आले आहे. हा विषय थोडा तपासाचा आहे, नेमके काय झाले हे आताच सांगता येणार नाही. पोलिस या संदर्भात चर्चा करत असतीलच. तपासानंतर सर्व काही समोर येईलच.

खेवलकरांना बळजबरीने नेऊन बसवले?

गिरीश महाजन म्हणाले की, रेव्ह पार्टीमध्ये किती जण होते याबद्दल मला काही माहिती मिळाली नाही. या प्रकरणी तपास केल्यावरच कोण पळाले का? नाही हे समोर येईल. एकनाथ खडसेंना जर ट्रॅप माहिती होते तर त्यांनी जावईबापूंना कल्पना देण्याची गरज होती, असे होण्याची शक्यता आहे असे म्हणत सांभाळून राहण्याचा सल्ला त्यांनी द्यायला हवा होता. प्रत्येक वेळी तुमच्या संदर्भातच कसे षड्यंत्र असते. काहीही झाले तरी लोकांना दोष द्यायचा हे चुकीचे आहे. खेवलकर यांना तिथे कुणी बळजबरीने ते नेऊन बसवले नसेल ना. या प्रकरणी जे दोषी असतील त्यांच्यावर कारवाई झाली पाहिजे.

लाडक्या बहिणीमुळेच तिजोरीवर भार

गिरीश महाजन म्हणाले की, लाडकी बहीण योजनेचा लाभ जर पोलिसांनी घेतला असेल तर त्यांच्याकडून हे सर्व पैसे वसूनल केले पाहिजे. त्यांच्यावर कारवाई झाली पाहिजे. पुरुष कसे या योजनेचा लाभ घेऊ शकतात. लाडक्या बहिणीमुळेच तिजोरीवर भार पडला आहे वस्तुस्थिती आहे. कारण मोठ्या प्रमाणात निधी तिकडे वळवला जात असल्याचेही त्यांनी म्हटले आहे.