Munawale Satara Tourist Places : उपमुख्यमंत्री एकनाथ शिंदे यांच्या ड्रीम प्रोजक्टला धक्का देण्यात आला आहे. सातारा जिल्ह्यातील महत्वकांक्षी जलपर्यटन प्रकल्पाचे काम थांबवण्याचे आदेश देण्यात आले आहेत. प्रकल्पाला संबंधित विभागांच्या परवानग्या नसल्याने हा स्थिगिती आदेश काढण्यात आल्याचे समजते.
सातारा जिल्ह्यातील मुनावळेमधील जलपर्यटन प्रकल्पाचे काम थांबवण्याचे आदेश देण्यात आल्याने उपमुख्यमंत्री एकनाथ शिंदे यांच्यासाठी मोठा धक्का मानला जात आहे. कुठल्याही परवानग्यांशिवाय सुरु केलेल्या प्रकल्पाचे काम थांबण्यास सांगितलं आहे. प्रकल्पाविरोधात सामाजिक कार्यकर्ते सुशांत मोरे यांनी 2 एप्रिल रोजी जलसमाधी आंदोलनाचा इशारा दिला होता.
या आंदोलनाच्या पार्श्वभूमीवर प्रशासनाने लेखी आदेश काढले आहेत. गेल्या वर्षी मुनावळे येथे तत्कालीन मुख्यमंत्री एकनाथ शिंदे यांनी वॉटर स्पोर्ट्स ऍक्टिव्हिटी सुरू केल्या होत्या. याचाच पुढचा भाग म्हणून त्या भागात पर्यटकांना राहण्यासाठी नवीन प्रकल्प केला जाणार होता. त्याची निविदा देखील काढण्यात आली होती मात्र ही निविदा काढण्याआधी कोणत्याही शासकीय कार्यालयाचा परवानग्या घेण्यात आल्या नसल्याचं समजतं.
परवानग्यांशिवाय नव्याने जलपर्यटन प्रकल्पाचे काम सुरू करण्यात आल्याचा आरोप करण्यात आला. याविरोधात सामाजिक कार्यकर्ते सुशांत मोरे यांनी 2 एप्रिल रोजी जलसमाधी आंदोलनाचा इशारा दिला होता. या आंदोलनाच्या पार्श्वभूमीवर प्रशासनाने लेखी आदेश काढत स्पष्ट केले की, सर्व संबंधित विभागांच्या परवानग्या मिळाल्याशिवाय प्रकल्पाचे काम सुरू करता येणार नाही.
पर्यावरणदृष्ट्या संवेदनशील क्षेत्र म्हणून घोषित असणाऱ्या या भागात असून येथे नवा प्रकल्प उभारताना विविध सरकारी संस्थांची ना-हरकत आवश्यक आहे. मात्र, सद्यःस्थितीत कोणत्याही परवानग्या घेतल्या नसल्याचे उघड झाले आहे.या पार्श्वभूमीवर सुरू होणाऱ्या कामाला स्थगिती देण्यात आली आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
