राष्ट्रीय आरोग्य अभियानातील (एनएचएम) कंत्राटी अधिकारी आणि कर्मचारी १९ ऑगस्टपासून संपावर जात आहेत. हे कर्मचारी जिल्हा परिषदेसमोर धरणे आणि बेमुदत उपोषण करणार आहेत.
.
म.रा. आरोग्य खाते कंत्राटी नर्सेस युनियन ‘आयटक’च्या बॅनरखाली हे आंदोलन होणार आहे. संघटनेने १४ दिवस आधीच शासन आणि प्रशासनातील अधिकाऱ्यांना याबाबत नोटीस दिली आहे.
राज्य शासनाने १४ मार्च २०२४ रोजी एक महत्त्वाचा निर्णय घेतला होता. एनएचएममध्ये १० वर्षांची सेवा पूर्ण झालेल्या कंत्राटी कर्मचाऱ्यांना कायम करण्याचा हा निर्णय होता. आरोग्य खात्याच्या पुढील भरतीत ७० टक्के जागा थेट निवड पद्धतीने तर ३० टक्के जागा एनएचएममधून भरण्याचे निर्णयात नमूद करण्यात आले आहे.
तृतीय व चतुर्थ श्रेणीतील ३३ वाहन चालक आणि इतर सपोर्ट स्टाफसह एकूण ३४४ कर्मचाऱ्यांना कायम करण्याचा निर्णयही घेण्यात आला होता. मात्र ४ महिने उलटूनही या निर्णयाची अंमलबजावणी झालेली नाही.
या आंदोलनात एनएचएममधील डॉक्टर्स, परिचारिका, समुपदेशक, एमपीडब्ल्यू, वार्डबॉय सहभागी होणार आहेत. हा निर्णय कर्मचाऱ्यांनी ३७ दिवसांच्या राज्यव्यापी आंदोलनानंतर मिळवला होता.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
