राष्ट्रीय आरोग्य मिशनच्या (एनएचएम) कर्मचाऱ्यांनी बुधवारी थाळीनाद करून आपल्या मागण्यांकडे लक्ष वेधले. १९ ऑगस्टपासून सुरू असलेल्या या संपात डॉक्टर, परिचारिका आणि इतर कर्मचारी सहभागी आहेत.
.
जिल्हा परिषदेच्या मुख्य प्रवेशद्वारावर हे आंदोलन सुरू आहे. गुरुवारी सर्व आंदोलनकर्ते काळे कपडे परिधान करून निषेध नोंदवणार आहेत. राज्यभरातील सुमारे दीड हजार अधिकारी आणि कर्मचारी या संपात सहभागी झाले आहेत.
राज्य शासनाने १४ मार्च २०२४ रोजी दहा वर्षांची सेवा पूर्ण झालेल्या कर्मचाऱ्यांना कायम करण्याचा निर्णय घेतला. मात्र दीड वर्षांपासून या निर्णयाची अंमलबजावणी झालेली नाही. त्यामुळे कर्मचारी संपावर गेले आहेत.
‘आयटक’शी संबंधित महाराष्ट्र राज्य आरोग्य खाते कंत्राटी नर्सेस युनियन आणि राष्ट्रीय आरोग्य अभियान समितीच्या नेतृत्वात हे आंदोलन सुरू आहे. अशोक कोठारी, डॉ. अंकुश मानकर, प्रिती पवार आणि मोनाली खांडेकर यांच्यासह २०० डॉक्टर, ६०० परिचारिका यांचा समावेश आहे.
गुरुवारी नागपूर येथे मुख्यमंत्र्यांसोबत चर्चेची शक्यता आहे. ओबीसी आंदोलनकर्त्यांना भेटण्यासाठी मुख्यमंत्री नागपुरात येत असून त्याचवेळी एनएचएमच्या आंदोलनकर्त्यांशीही चर्चा होऊ शकते. एकत्रीकरण समितीचे नेते दिलीप उटाणे यांनी ही माहिती दिली.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
