एमआयटी आर्ट, डिझाइन आणि टेक्नॉलॉजी विद्यापीठाच्या एमआयटी इन्स्टिट्यूट ऑफ डिझाइन (एमआयटी-आयडी) तर्फे ‘क्वासार २०२५ – डिझाईनिंग व्हाट्स नेक्स्ट’ ही राष्ट्रीय डिझाइन परिषद ३० व ३१ ऑक्टोबर २०२५ रोजी आयोजित करण्यात आली आहे.
.
ही दोन दिवसीय परिषद डिझाइनच्या भविष्यदृष्टीचा शोध घेणार असून, तिचा उद्योग, तंत्रज्ञान आणि समाज या सर्व क्षेत्रांवरील प्रभाव अधोरेखित करण्याचा उद्देश आहे. देशभरातील नामवंत डिझाइन तज्ज्ञ, उद्योग क्षेत्रातील व्यावसायिक, संशोधक, प्राध्यापक आणि विद्यार्थी यात सहभागी होणार आहेत. एमआयटी इन्स्टिट्यूट ऑफ डिझाइनचे अधिष्ठाता डॉ. नचिकेत ठाकूर यांनी पत्रकार परिषदेत ही माहिती दिली.
डॉ. ठाकूर यांनी सांगितले की, एमआयटी इन्स्टिट्यूट ऑफ डिझाइन ही देशातील प्रमुख डिझाइन संस्थांपैकी एक आहे. क्वासार परिषदेच्या माध्यमातून दोन दिवस व्याख्याने, चर्चासत्रे, संशोधन पोस्टर सादरीकरणे, डिझाइन प्रदर्शने आणि सांस्कृतिक कार्यक्रमांचे आयोजन करण्यात आले आहे.
या परिषदेत कृत्रिम बुद्धिमत्तेवर आधारित दृश्य संवाद, सर्जनशील अनुभव, पॅकेजिंग डिझाइन, स्टॉप-मोशन ॲनिमेशन, ट्रान्सपोर्टेशन डिझाइन, युआय आणि मटेरियल इनोव्हेशन यांसारख्या विषयांवर कार्यशाळाही घेतल्या जाणार आहेत.
कार्यक्रमाला अधिक आकर्षक बनवण्यासाठी आंतरमहाविद्यालयीन सांस्कृतिक स्पर्धांचेही आयोजन करण्यात आले आहे. यात ‘आलाप’ (गायन), ‘स्वरफ्युजन’ (वाद्य संगीत), ‘अभिव्यक्ती’ (एकपात्री अभिनय), ‘माइक ड्रॉप’ (स्टँडअप कॉमेडी) आणि ‘नृत्यवर्स’ (समूह नृत्य) या स्पर्धांचा समावेश आहे. या स्पर्धांमुळे विद्यार्थ्यांना त्यांची कल्पकता आणि कलागुण प्रदर्शित करण्याची संधी मिळेल.
सहाय्यक प्राध्यापक डॉ. हर्षित देसाई यांनी माहिती दिली की, परिषदेच्या निमित्ताने आयोजित ‘डिझाइन रिसर्च पोस्टर स्पर्धेस’ देशभरातील ४० हून अधिक डिझाइन महाविद्यालयांमधील विद्यार्थी आणि प्राध्यापकांकडून चांगला प्रतिसाद मिळाला आहे. या दोन दिवसीय परिषदेत ५०० हून अधिक प्रतिनिधी सहभागी होण्याची अपेक्षा असून, यामुळे हा देशातील डिझाइन क्षेत्रातील एक व्यापक आणि प्रभावी उपक्रम ठरेल.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
