तंत्रज्ञान, संशोधन, सामाजिक नवनिर्मिती, भागीदारी आणि विश्वशांती या तत्वांवर आधारित ‘एमआयटी वर्ल्ड पीस युनिव्हर्सिटीच्या स्कूल ऑफ इंजिनिअरिंग अँड टेक्नॉलॉजी अंतर्गत डिपार्टमेंट ऑफ इलेक्ट्रिकल अ‍ॅण्ड इलेक्ट्रॉनिक्स इंजिनिअरिंग विभागाच्या वतीने ‘आयईईई इ
.
सशक्त व बुद्धिमान विश्व निर्मितीसाठी शाश्वत तंत्रज्ञानाचे स्मार्ट नवोपक्रमांचे एकत्रीकरण, व्यवसाय व समाज पर्यावरणीय उद्दिष्टांशी जुळतांना दीर्घकालीन यशासाठी जबाबदार तंत्रज्ञानाचा वापर करणे, दैनंदिन जीवनात स्मार्ट प्रणालींचा समावेश करून कार्यक्षमतेला वृद्धिंगत करणे आणि पर्यावरणीय घातक परिणाम कमी करून नव्या पिढीसाठी शाश्वत भविष्य घडविणे हे या परिषदेचे मुख्य उद्दिष्टे आहे. ही परिषद एमआयटी डब्ल्यूपीयूचे कार्याध्यक्ष डॉ. राहुल कराड यांच्या मार्गदर्शनात होणार आहे.
या परिषदेचा उद्घाटन समारंभ, मंगळवार २ सप्टेंबर २०२५ रोजी दुपारी ३.०० वा. होणार आहे. कार्यक्रमाच्या अध्यक्षस्थानी एमआयटीचे संस्थापक प्रा.डॉ. विश्वनाथ कराड हे असतील. तसेच आयबीएमच्या लीड क्लायंट पार्टर्नचे अभिजित अटाळे, थेल्स रिसर्च अँड टेक्नॉलॉजीचे डॉ. सुब्राकांती दास, ब्रॉडकॉमचे वरिष्ठ अभियंता व्यवस्थापक सुनिल खराटे हे सन्मानीय पाहुणे म्हणून उपस्थित राहणार आहे.
आयोजित परिषदेत ‘ग्रीन कम्युनिकेशन अँड नेटवर्क्स’, ‘सेमीकंडक्टर अँड चिप डिझाइन’, ‘आर्टिफिशियल इंटेलिजेंस अँड कम्प्युटिंग’, ‘ऑटोमेशन अँड अनमॅन्ड सिस्टीम्स’, ‘ग्रीन एनर्जी अँड सस्टेनेबिलिटी’ व ‘ मानव आणि आरोग्यसेवेसाठी अभियांत्रिकी’ या विषयावर चर्चा होणार आहे.
परिषदेचा समारोप गुरूवार ४ सप्टेंबर २०२५ रोजी दुपारी १२ वा. होणार आहे. यावेळी ग्लोबल डिलिवरीचे उपाध्यक्ष निखिल दातार व मित्सुबिशी इलेक्ट्रिक प्रा.लि.चे अतिरिक्त उपाध्यक्ष अनिल देशपांडे हे सन्माननीय पाहुणे म्हणून उपस्थित राहतील. तसेच एमआयटी वर्ल्ड पीस युनिव्हर्सिटीचे कुलगुरू डॉ. आर.एम.चिटणीस, प्र-कुलगुरू डॉ.मिलिंद पांडे व सीएओ प्रा.डॉ. प्रसाद खांडेकर यांची प्रमुख उपस्थित असेल.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
