विधीमंडळाच्या अनुसूचित जमाती कल्याण समितीच्या चार दिवसीय दौऱ्याला मंगळवारपासून अमरावतीत सुरुवात झाली. समितीचे अध्यक्ष आमदार दौलत दरोडा यांनी समितीच्या कार्यपद्धतीबद्दल स्पष्टीकरण दिले. समिती शासनाला बांधील असल्यामुळे कामकाज जाहीर केले जात नसल्याचे त्
.
समितीमध्ये विधानसभेचे ११ आणि विधानपरिषदेचे ५ असे एकूण १६ आमदार आहेत. दुपारपर्यंत १० आमदार अमरावतीत दाखल झाले. राष्ट्रवादी काँग्रेसचे शहापूरचे आमदार दौलत दरोडा हे सोमवारी दुपारीच पोहोचले होते.
उपस्थित आमदारांमध्ये केवलरामजी काळे, राजू तोडसाम, शांताराम मोरे, मंजुळा गावित, रामदास मसराम, विनोद निकोले यांचा समावेश होता. विधान परिषदेच्या सदस्या उमा खापरे व राजेश राठोड देखील उपस्थित होते. राज्य शासनाचे उपसचिव मोहन काकड आणि अधिकारी मोहन येसनपुरे हे समितीसोबत होते.
समितीने जिल्हाधिकारी कार्यालय, नगरपालिका, पोलिस विभाग, महावितरण, वन विभाग, पुरवठा विभाग यांसह विविध शासकीय विभागांचा आढावा घेतला. पदभरती, आरक्षण, अनुशेष, जात पडताळणी आणि आदिवासी उपयोजना क्षेत्रातील योजनांबाबत चर्चा करण्यात आली. समितीचे कामकाज बंद दरवाजांमागे सुरू असल्याने सविस्तर माहिती उपलब्ध झाली नाही.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
