उद्धव ठाकरे यांचे नवीन आराध्य दैवत है औरंगजेब झाले आहेत. लवकरात लवकर तुम्हाला असे दिसेल की मातोश्रीमध्ये बाळासाहेबांच्या आणि छत्रपती शिवाजी महाराज यांच्या फोटोच्या बाजूला औरंगजेबाचा फोटो लावतील, आणि हळू-हळू ज्या दिशेने उबाठाचा कारभार सुरू आहे, त्यानु
.
संजय निरुपम पुढे बोलताना म्हणाले की, उबाठामध्ये जे काही सुरू ओह त्या गोष्टीचा मी निषेध करतो. उद्धव ठाकरे हे हिंदूविरोधी भूमिका घेत आहात, हे तुमची चुकी आहे. वक्फ बोर्डबद्दल जी सुधारणा सुरू आहे त्यात उबाठाने घेतलेली भूमिका चुकीची आहे. उद्धव ठाकरेंनी मौलानासोबत बैठक घेतली आणि या बैठकीचे नियोजन संजय राऊत यांनी केले आहे.
मुस्लिम मतांसाठी उबाठा लाचार
उद्धव ठाकरे आणि संजय राऊत यांना महाराष्ट्रातील दंगल खोरांची काळजी वाटत आहे. नागपूरच्या दंगलीमध्ये हिंदू लोकांचा हात होता ह्या राऊतांच्या विधानाचा मी निषेध करतो, मुस्लिम मतांसाठी उबाठा लाचार झाल्याचे शिवसेना नेते संजय निरुपम यांनी म्हटले आहे. नागपूरमधील दंगलीत 104 गाड्यांचे नुकसान करण्यात आले. ह्या दंगलखोरांचा संपर्क बांगलादेशमध्ये असल्याचे पुढे आले आहे. ज्याला काल अटक झाली तो सोशल मिडीयावर प्रसिद्ध असून त्याने मुजाहिद्दीन तयार करण्यासाठी पैसे जमा केले आहेत. तोच फहीम खानचा मेंटर आहे.
ठाकरे हिंदूविरोधी झाले
संजय निरुपम म्हणाले की, उबाठावाले हे मुजाहिद्दीनसोबत उभे राहू लागले आहेत का हा प्रश्न आता उपस्थित केला जात आहे. ठाकरे, राऊत मुस्लिम मतांसाठी दंगलखोरांची पाठराखन करत आहेत त्याला महाराष्ट्र कधीही माफ करणार नाही. उद्धव ठाकरेंनी युटर्न घेतला असून त्यांना हिंदूवर होणारा अन्याय दिसत नाही. देशात राष्ट्रविरोधी राष्ट्रद्रोही यांच्यासह दंगल घडवणाऱ्या लोकांबद्दल त्यांना चीड येत नाही. ते हिंदूविरोधी झाले आहेत.
उद्धव ठाकरे मुस्लिम धार्जिणे होताय
संजय निरुपम म्हणाले की, उद्धव ठाकरे हे आता मुस्लिम धार्जिणे होत असल्याचे आम्हाला त्यांच्या पक्षाच्या लोकांच्या वागण्यातून दिसून येत आहे. संजय राऊत यांनी यावर एक ट्विट केले आहे. ते असे आहे की, टीचर : तुम्हारे पापा क्या करत है? स्टूडेंट : जी वौ अंधभक्त है हिंदू त्यौहारोपर मस्जिद के बाहर नाचते है, असे राऊतांचे ट्विट वाचून दाखवले. राऊत असे करत हिंदू लोकांची बदनामी करत आहे.
राऊत आता मुल्ला संजय राऊत झालेत
संजय निरुपम म्हणाले की, पश्चिम बंगालमध्ये मुस्लिम मतांच्या लाचारीसाठी ममता बॅनर्जी काहीही करतात. त्याचप्रमाणे उद्धव ठाकरेंची भूमिका होत आहे. मुलायमसिंह यादव हे हिंदू विरोधी भूमिका घेत मुस्लिमांच्या बाजूने वळत होत. त्यावेळी लोकांनी त्यांना मुल्ला मुलायम म्हटले होते. आता तसे मुल्ला संजय राऊत झाले आहे. फक्त त्यांना मुस्लिम मतांसाठी जे करायचे आहे ते करतात. यामुळे महाराष्ट्र आणि देशविरोधी काम करणाऱ्या लोकांची पाठराखण त्यांच्याकडून केली जात आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
