कळमनुरी तालुक्यातील एका गावातील फेरफार प्रकरणात शपथपत्र देऊनही फेरफार रोखल्याचा आरोप करून तरुणाने अर्धनग्न होऊन हाय व्होल्टेज ड्रामा केला. या प्रकरणी त्या तरुणासह दोघांवर सरकारी कामात अडथळा आणल्या प्रकरणी कळमनुरी पोलिस ठाण्यात गुरुवारी ता. २१ रात्री
.
पोलिसांनी दिलेल्या माहितीनुसार, कळमनुरी तालुक्यातील एका गावातील सर्वे नंबर १०९ मधील फेरफार प्रकरणात तहसील कार्यालयात सुनावणी घेतली जात आहे. सदर जमिनीचा वाद सुरु असल्यामुळे दोन्ही बाजूंना म्हणणे मांडण्याची संधी मिळावी यासाठी सुनावणी घेतली जात आहे. यामध्ये नागेश सातव याच्याकडून शपथपत्र दाखल करण्यात आले होते. मात्र त्यानंतरही फेरफार घेतला जात नसल्याने नागेश याने गुरुवारी दुपारी तहसील कार्यालयात अर्धनग्न होऊन हाय व्होल्टेज ड्रामा केला. यावेळी त्याने महिला कर्मचाऱ्यास लज्जा निर्माण होईल असे वर्तन केले. तसेच तुम्ही पैसे घेता तुमची पाहून घेतो असे म्हणत छायाचित्रीकरण करून हा व्हिडीओ प्रसारीत करतो अशी धमकी दिली.
याप्रकरणी त्या महिला कर्मचाऱ्याच्या तक्रारीवरून कळमनुरी पोलिस ठाण्यात नागेश सातव व आनंद नन्हाळे याच्या विरुध्द सरकारी कामात अडथळा आणणे यासह इतर कलमान्वये गुन्हा दाखल करण्यात आला आहे. पोलिस उपाधीक्षक अंबादास भुसारे, पोलिस निरीक्षक प्रेमकुमार माकोडे, जमादार गजानन होळकर, लक्ष्मीकांत माखणे पुढील तपास करीत आहेत.
ग्राम महसूल अधिकारी संघटनेचे निवेदन
या संदर्भात ग्राम महसूल अधिकारी संघटनेने जिल्हाधिकारी राहुल गुप्ता यांच्याकडे निवेदन दिले आहे. सदर महिला कर्मचाऱ्यावर बिनबुडाचे आरोप करण्यात आले आहे. या घटनेमुळे महिला कर्मचाऱ्याच्या जिवाला धोका निर्माण झाला असून त्यांची इतर ठिकाणी बदली करावी अशी मागणी करण्यात आली आहे. तसेच या प्रकरणातील आरोपींना अटक करण्याची मागणी संघटनेचे अध्यक्ष गजानन रणखांब, महाराष्ट्र प्रदेश सदस्य सय्यद अब्दूल, विनोद ठाकरे यांच्यासह पदाधिकाऱ्यांनी केली आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
