पुणे शहरातील कात्रज भागातील वंडर सिटीजवळ भरधाव ट्रकची दुचाकीस्वार महिलेला धडक दिल्याची घटना रविवारी घडली. यावेळी ट्रकने महिलेला २०० मीटर फरफटत नेले. अपघातांतर घटनास्थळी न थांबता ट्रक चालक पसार झाला. उपचारादरम्यान गंभीर जखमी झालेल्या महिलेचा मृत्यू झा
.
लहूबाई अश्रृबा वाघमारे (वय ४९, रा. वाघजाईनगर, आंबेगाव खुर्द, कात्रज) असे उपचारादरम्यान मृत्युमुखी पडलेल्या दुचाकीस्वार महिलेचे नाव आहे. अपघातात आणखी एक दुचाकीस्वार महिला जखमी झाली आहे. प्रियंका राऊत (वय ३३) असे जखमी झालेल्या महिलेचे नाव आहे. अपघातात राऊत यांच्या पायाला दुखापत झाली आहे. त्यांच्यावर रुग्णालयात उपचार सुरू असल्याची माहिती पोलिसांनी दिली. अपघातानंतर पसार झालेला ट्रक चालक नीलेश चांदगुडे (वय ३८, रा. इंदापूर) याला अटक करण्यात आली आहे.
पोलिसांनी दिलेल्या माहितीनुसार, दुचाकीस्वार लहूबाई वाघमारे रविवारी दुपारी एकच्या सुमारास कात्रज बाह्यवळण मार्गावरुन नवले पुलाकडे निघाल्या होत्या. वंडर सिटीजवळ भरधाव ट्रकने दुचाकीस्वार लहूबाई यांना धडक दिली. ट्रकचालकाने दुचाकीस्वार लहूबाई यांना २०० मीटर फरफटत नेले. अपघातात त्या गंभीर जखमी झाले. त्या वेळी तेथून निघालेल्या दुचाकीस्वार प्रियंका राऊत यांना ट्रकने धडक दिली.
अपघातात गंभीर जखमी झालेल्या लहुबाई यांना रुग्णालयात दाखल करण्यात आले. उपचारांदरम्यान त्यांचा मृत्यू झाला. ट्रकचालक चांदगुडे याला अटक करण्यात आली असून, वैद्यकीय तपासणीसाठी त्याला ससून रुग्णालयात पाठविण्यात आले आहे, अशी माहिती आंबेगाव पोलीस ठाण्याचे वरिष्ठ पोलीस निरीक्षक शरद झिने यांनी दिली.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
