पुणे जिल्ह्यात खेड तालुक्यातील श्रीक्षेत्र कुंडेश्वर महादेव मंदिर येथे श्रावणी साेमवार निमित्ताने जाणारी मालवाहतूक व्हॅन दरीत कोसळली. त्यात १० महिलांचा मृत्यू झाला होता. घाटात चढावर वेग मंदावून बंद पडल्याने व्हॅन थेट दरीमध्ये कोसळल्याचे पोलिसांच्या प
.
या वाहनात ३९ जणींना कोंबण्यात आले होते. कुंडेश्वर मंदिराच्या डाेंगर पायथ्यालगत घाटात वाहनावरील चालकाचे नियंत्रण सुटून गाडी दरीत ३० फूट खाली काेसळून भीषण अपघात झाला. याप्रकरणी पाेलिसांनी चालकास अटक करत चाैकशी केल्यावर माहिती मिळाली की, गाडी घाटात चढावर वेगात जात असताना, वेग मंदावला आणि गाडी बंद पडली. स्टेअरिंग लाॅक हाेऊन ब्रेक वेळेत लागू न शकल्याने उतारावर चालकाचे नियंत्रण सुटले. गाडी मागे घसरत रस्त्याचे कडेला येऊन उजवे बाजूस दरीत २५ ते ३० फुट खाली पडून दुर्घटना घडली. दरम्यान, याप्रकरणात पाेलिसांनी चालक कारंडेला न्यायालयात मंगळवारी हजर केले असता त्यास १४ आॅगस्टपर्यंत पाेलिस काेठडीचे आदेश देण्यात आले आहेत
तीव्र चढण, अनेक वळणाचा घाट असल्याने असताना अपघात हाेऊन प्रवाशांचा मृत्यु होऊ शकतो, याची जाणिव चालक ऋषिकेश कारंडेला होती. तरीही महिला व लहान मुले-मुली यांना टपावर, केबिनमध्ये, पाठीमागील हाैद्यात दाटीवाटीने बसविण्यात आले. पापळवाडी ते श्रीक्षेत्र कुंडेश्वर मंदिर प्रवासात गाडी नियंत्रित झाली नाही. त्यामुळे त्याला या प्रकरणात आरोपी करण्यात आले. २८ जणांवर रुग्णालयात उपचार करण्यात येत आहे. १० मयतांवर मंगळवारी मध्यरात्री एक वाजता अंत्यसंस्कार झाले. पुढील तपास म्हाळुंगे एमआयडीसी पाेलिस ठाण्याचे पाेलिस निरीक्षक अनिल देवडे करत आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
