संगमनेर येथे संग्राम बापू भंडारे या कीर्तनकाराने भारतीय घटना आणि कीर्तनाची संकृती आणि परंपरा यांना न शोभणारे वक्तव्य केले असून त्यांच्या वक्तव्याचा मी तीव्र शब्दात निषेध करतो. तसेच समाजाची त्यांनी जाहीर माफी मागावी अशी मागणी देखील मी करतो. असे परखड म
.
उल्हास पवार म्हणाले की, संतश्रेष्ठ ज्ञानेश्वर माउली व जगतगुरू संत तुकाराम महाराज यांच्यापासून संत गाडगे महाराज आणि संत तुकडोजी महाराज यांच्यापर्यंत फार मोठी संत परंपरा आपल्याला लाभली आहे. हजारो कीर्तनकार समाजाला योग्य मार्गदर्शन करीत समाजात सत्संग वाढवत आहेत. शेकडो वर्षांच्या कीर्तन परंपरेने द्वेष, हत्या हे विचार कधीच शिकवले नाहीत. मात्र स्वतःला कीर्तनकार म्हणवून घेणारे संग्राम बापू भंडारे यांनी मात्र सर्व मर्यांदा ओलांडून पूज्य महात्मा गांधींचा खून करणाऱ्या नथुराम गोडसेचेच उदात्तीकरण केले आहे हे अतिशय संतापजनक आहे. संपूर्ण वारकरी संप्रदायाने त्यांना याचा जाब विचारलाच पाहिजे असे ते म्हणाले.
पुढे ते म्हणाले की, महाराष्ट्राचे मुख्यमंत्री देवेंद्र फडणवीस यांनी देखील या वक्त्यव्याकडे गांभीर्याने पहिले पाहिजे तसेच नथुराम गोडसे सारख्या खुन्याचे उदात्तीकरण करून समाजात विकृती पसरवणाऱ्या संग्राम बापू भंडारे यांच्यावर तातडीने गुन्हा नोंदवून कारवाई केली पाहिजे. हरी भक्त परायण अशी उपाधी लावणारे हजारो कीर्तनकार आज समाजाचे भूषण आहेत यांनी देखील अशा विकृतीला कधी थारा दिला नाही. वारकऱ्यांनी देखील संग्राम बापू भंडारे यांचा निषेध करावा तरच अशा विकृतीला आळा बसेल.
संग्राम भंडारे यांच्या विरोधात पुण्यात बॅनरबाजी
पुण्यात कीर्तनकार संग्राम भंडारे यांच्याविरोधात बॅनरबाजी करण्यात आली. ‘आम्हाला नथुराम गोडसे भावं लागेल’ अशी धमकी दिल्यानंतर ही बॅनरबाजी करण्यात आली. पुण्यातील कोथरूड परिसरात ही पोस्टर्स लावण्यात आली. ही बॅनरबाजी शरद पवारांच्या राष्ट्रवादी काँग्रेस पक्षाकडून करण्यात आली. ‘ही लढाई तुकाराम विरुद्ध नथुराम ची आहे’ अशा आशयाचे बॅनर यावेळी झळकवण्यात आले. ‘नथुराम चे गोडवे गाणाऱ्या समाजकंटकांना महाराष्ट्र भूमीत थारा दिला जाणार नाही’ असेही बॅनरवर नमूद करण्यात आले आहे. काँग्रेस नेते बाळासाहेब थोरात यांना उद्देशून ‘आम्हाला नथुराम गोडसे भावं लागेल’ अशी धमकी देण्यात आली होती. या घटनेमुळे राजकीय वर्तुळात चर्चा सुरू झाली आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
