नागपूर येथे कुख्यात गुंड कार्तीक उमेश चौबेची त्याच्याच मित्रांनी केलेल्या कटानुसार हत्या करण्यात आली. सक्करदरा हद्दीतील सोमवारी क्वॉर्टर, शाहु गार्डन, हनुमान मंदिर परिसरात रविवारी रात्री १ वाजता ही घटना घडली.
.
कार्तीक चौबे हा गौरव खडतकर हत्याकांडातील आरोपी असून, पाच वर्षांच्या कारावासानंतर तीन महिन्यांपूर्वीच जेलमधून बाहेर आला होता. बाहेर आल्यानंतर तो पुन्हा परिसरात वर्चस्व निर्माण करण्याचा प्रयत्न करत होता, जे स्थानिक गुंडांना खटकत होते.
घटनेच्या दिवशी कार्तीकच्या दोन मित्रांनी त्याला दारू पिण्याच्या निमित्ताने बोलावले. या पार्टीत त्याचा प्रतिस्पर्धी रोशन गायकवाड देखील उपस्थित होता. वर्चस्वाच्या वादातून रोशनने अचानक कार्तीकच्या डोक्यावर दारूची बॉटल फोडली आणि त्याच्या साथीदारांसह धारदार शस्त्राने त्याच्या छातीवर पाच वार केले.
गंभीर जखमी अवस्थेत कार्तीकला मेडिकल रुग्णालयात नेण्यात आले, मात्र डॉक्टरांनी त्याला मृत घोषित केले. सक्करदरा पोलिसांनी हत्येचा गुन्हा दाखल केला असून आरोपींचा शोध सुरू आहे. कार्तीकवर १२ ते १४ गंभीर गुन्हे दाखल होते आणि सक्करदरा परिसरात त्याची दहशत होती. स्थानिकांच्या म्हणण्यानुसार, ही हत्या गौरव खडतकर हत्याकांडाचा बदला घेण्यासाठी करण्यात आली असावी.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
