कुठे हार्ट काढत बसू नका, मी कॅमेरे बसवणार आहे. कोणी गावले तर त्याला टायरमध्येच टाकतो, असा इशारा उपमुख्यमंत्री अजित पवारांनी दिला आहे. बारामती येथील सभागृह भूमिपूजनाचा कार्यक्रम पार पडला. या कार्यक्रमात ते बोलत होते. सुशोभीकरणाच्या मुद्द्यावर बोलताना
.
अजित पवार या कार्यक्रमात बोलताना म्हणाले, काही जण नावरात्री आली की गोधड्या धुतात आणि वाळायला टाकतात, मी जिथे सुशोभित केले आहे त्यावरच वाळायला टाकतात. तसेच दसऱ्याच्या दिवशी बारामतीमध्ये 2300 चार चाकी गाड्या विकल्या गेल्या आहेत. साहेब (शरद पवार) आमदार होते, तेव्हा 17 हजार मतदार होते. आता 1 लाख 10 हजार मतदार झाले आहेत. एवढी लोकसंख्या बारामतीमध्ये वाढली आहे. तसेच पुढे बोलताना अजित पवार म्हणाले, सुशोभित केलेल्या ठिकाणी कुठे हार्ट काढत बसू नका. आता मी कॅमेरे बसवणार आहे. कोणी गावले तर त्याला टायरमध्येच टाकतो, असा इशारा दिला.
अजित पवारांनी यावेळी बोलताना उपस्थितांना दीपावलीच्या शुभेच्छा दिल्या. ते पुढे म्हणाले, मधल्या काळात पावसाने हजेरी लावली. सरासरी सरासरी पेक्षा जास्त पाऊस पडला. 18 आणि 19 ला हवामान खात्याने पाऊस सांगितला आहे. मी विकास करतोय आणि काही लोक तिथे चोऱ्या करण्याचा प्रयत्न करतात. कोणाचे नुकसान झाले तर म्हणतील बघा कसा विकास चालला आहे? बोलायला कोणी हात धरू शकत नाही.
मी काम करताना जात बघत नाही
अजित पवार म्हणाले, जो चोरी पकडून देईल त्याला एक लाख रुपये देऊ आणि जो चोरी करेल त्याला दोन लाख दंड करू. पकडून देणाऱ्याला 1 लाख, तर एक लाख हे पालिकेला देऊ, असे अजित पवारांनी म्हटले. पुढे बोलताना अजित पवार म्हणाले, मी काम करताना जात बघत नाही. काम करण्यासाठी वाळू आणली. त्यातली वाळू काहींनी चोरून नेली. ही जित्राबं बारामतीत कशी? याचा विचार करतोय, यांचा बंदोबस्त करतो, असा देखील इशारा अजित पवारांनी दिला.
यावेळी बोलताना अजित पवारांनी चांगलीच टोलेबाजी केली. ते म्हणाले, मी काम करतोय पण काही लोक माझ्या सोबत नाही. काहींना मी नगराध्यक्ष केले आणि ते आज माझ्या सोबत नाहीत, असे म्हणत त्यांनी शरद पवार गटातील दोन महिलांना टोला लगावला आहे. तसेच आता पाच दिवस सुट्टी आहे, मला आता कागद द्यायचे बंद करा. माझी आणि कागदाची कुठे गाठ पडली, सारखे दादा धरा, दादा धरा.. आचारसंहिता लागेल. त्यामुळे मला राज्यभर फिरावे लागेल, असेही ते यावेळी म्हणाले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
