केंद्रीय कृषीमंत्री शिवराज सिंह चौहान यांनी नागपुरात महत्त्वपूर्ण घोषणा केली. भारतीय कृषी संशोधन परिषदेच्या संस्थांच्या समन्वयातून ‘एक राष्ट्र एक शेती आणि एक संघ’ हे तत्त्व प्रत्यक्षात येणार आहे.
.
नागपुरातील कविवर्य सुरेशभट सभागृहात विकसित कृषी संकल्प अभियानांतर्गत कृषी संवाद कार्यक्रम आयोजित करण्यात आला. या कार्यक्रमास मुख्यमंत्री देवेंद्र फडणवीस, कृषीमंत्री माणिक कोकाटे आणि भारतीय कृषी संशोधन परिषदेचे महासंचालक डॉ. एम. एल. जाट उपस्थित होते.
आयसीएआरच्या देशभरात ११३ संस्था कार्यरत असून त्यापैकी ११ संस्था महाराष्ट्रात आहेत. संस्थेचे १६ हजार कृषी वैज्ञानिक शेतकऱ्यांना नवीन बियाणे आणि शेतीतील नवोपक्रमांबद्दल मार्गदर्शन करणार आहेत.
२९ मे ते १२ जून दरम्यान खरीप हंगामाच्या नियोजनासाठी कृषी वैज्ञानिक गावांना भेटी देणार आहेत. रोगमुक्त रोपवाटिकांसाठी क्लिन प्लांट प्रोग्रॅम राबवला जात आहे. रोपट्यांच्या मूळ प्रजातींच्या संशोधनासाठी पुण्यात नवी प्रयोगशाळा उभारली जाणार आहे.
कृषीमंत्र्यांनी ‘नॅशनल सॉईल स्पेक्ट्रम स्पेक्ट्रल लायब्ररी’चे उद्घाटन केले. महाराष्ट्र मृदा नकाशा असलेले देशातील पहिले राज्य ठरले आहे. कापूस पिकांवरील गुलाबी बोंडअळीच्या व्यवस्थापनासाठी एआय-आधारित स्मार्ट ट्रॅप तंत्रज्ञान सुरू करण्यात आले आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
