कोणत्याही परिस्थितीत शिवाजी विद्यापीठाचे नामांतर होऊ देणार नाही: 2019 मध्ये असा प्रस्ताव आला होता तेव्हा नमते घ्यावे लागले आताही नमते घ्यावे लागेल- शिवप्रेमी – Kolhapur News

.

कोल्हापूरच्या बाहेरचे लोकं जर आम्हाला शिकवणार असतील तर आम्ही ते ऐकणार नाही. 99 टक्के कोल्हापूरकरांना विद्यापीठाचे नाव बदलू नये असेच वाटत आहे. कोल्हापूरकर सुज्ञ आहेत. 2019 मध्ये असा प्रस्ताव आला होता तेव्हा नमते घ्यावे लागले आताही नमते घ्यावे लागेल, असे मत कोल्हापूरकरांनी व्यक्त केले आहे.

..तर अशा प्रवृत्ती ठोकून काढू- पवार

इतिहास संशोधक जयसिंगराव पवार यावेळी म्हणाले की, शिवाजी हा शब्दच मराठी माणसाची अस्मिता आहे. या शब्दात प्रचंड ताकद आहे. त्यामुळे विद्यापीठाला दिलेलं नाव योग्य आहे. ते कोणी बदलण्याचा प्रयत्न करू नये. जर कोणी बदलणार असेल तर त्यांना नाव मागचा इतिहास समजावून सांगू. अन्यथा अशा प्रवृत्ती ठोकून काढल्याशिवाय पर्याय नसल्याचे त्यांनी सांगितले.

नाव बदलू देणार नाही- मुळीक

वसंतराव मुळीक म्हणाले की, शिवाजी विद्यापीठ स्थापनेपूर्वी त्यांचे नाव ठरले आहे, ते बदलू नये. हे नाव ठेवताना विचार करत हा निर्णय घेण्यात आला. त्यावेळी एक स्थमिती नेमण्यात आली होती. त्यांनी यशवंतराव चव्हाण मुख्यमंत्री असताना शिवाजी विद्यापीठ नाव ठेवावे असा प्रस्ताव समोर केला. त्यावेळीही छत्रपती शिवाजी महाराज विद्यापीठ नाव असावे असे म्हटले होते. पण यशवंतराव चव्हाण यांनी स्पष्ट सांगितले की, छत्रपती शिवाजी महाराज विद्यापीठ नाव दिले तर CSM विद्यापीठ हे नाव होणार आहे. यावेळी त्यांनी बडोदा विद्यापीठाचे मुंबईतील विद्यापीठाचे आणि कोल्हापुरातील छत्रपती प्रेमला राजे रुग्णालयाला आपण सर्व जण सीपीआर म्हणत आहोत. आता हे छत्रपती शिवाजी महाराज हे आमचे सर्वांचे दैवत आहे. परंतू शिवाजी नावामध्ये एकेरी उल्लेख होत नाही. या नावात एक आदर असल्याने तुम्हा आम्हाला सर्वांची नाळ सर्वसामान्य माझे विद्यापीठ शिवाजी विद्यापीठ हे जुळले आहे. त्यामुळे हे नाव बदलू दिले जाणार नाही.

दरम्यान राहुल सोलापूरकर, प्रशांत कोरटकर यानी छत्रपती शिवाजी महाराज यांची बदनामी केली तेव्हा हे लोकं शांत का होते. तेव्हा त्यांचा निषेध का केला नाही. हे सर्व बेगडी प्रेम आहे. कोल्हापूरकरांनी रुपया रुपया देत हे विद्यापीठ उभे केले आहे, त्यांचे आम्ही वारसदार आहोत.